Pawan Kalyan : ప‌వ‌న్ క‌ళ్యాణ్‌కి ఓజీ పూనాడా.. ఒక్క‌సారిగా ఫ్యాన్స్‌పై అంత సీరియ‌స్ అయ్యాడేంటి..?

Pawan Kalyan : జ‌నసేనాని పవ‌న్ క‌ళ్యాణ్ గ‌త కొద్ది రోజులుగా ప్ర‌చారంతో బిజీగా ఉన్నారు.ఈ సారి పిఠాపురం నుండి పోటీ చేస్తున్న ప‌వ‌న్ త‌ప్ప‌నిస‌రిగా ఈ ఎన్నిక‌ల‌లో గెల‌వాల‌ని ప్ర‌య‌త్నిస్తున్నారు. పవన్ ప్రసంగిస్తూ, వైసీపీ అరాచకాలకు ఈ ఎన్నికలతో అడ్డుకట్ట పడుతుందని, జనసేన-టీడీపీ-బీజేపీ కూటమి ప్రభుత్వం అధికారంలోకి వస్తుందని ధీమా వ్యక్తం చేశారు. తాము అధికారంలోకి వచ్చాక ప్రతి వైసీపీ గూండాని మోకాళ్లపై నడిపించే పరిస్థితి తీసుకొస్తామని హెచ్చరించారు. ఇళ్ల పట్టాల స్కాంలో రూపాయి విలువ చేయని భూములను కూడా ప్రభుత్వంతో వంద రూపాయలకు కొనిపించారని ఆరోపించారు.

నియోజకవర్గంలో ఇళ్ల పట్టాల లబ్దిదారులు 5 శాతం మందేనని, కానీ సాక్షి పత్రికలో గొప్పగా ప్రచారం చేసుకుంటున్నారని, సిద్ధం పోస్టర్లు, హోర్డింగులు వేసుకోవడం తప్ప ప్రజలకు చేసిందేమీ లేదని విమర్శించారు. జగన్ కు మద్దతుగా నిలిచిన వ్యక్తులు నన్ను ఎన్ని మాటలు అన్నారు? దశాబ్దకాలంగా నన్ను తూట్లు పొడిచారు. ఈ మాటలు పడాల్సిన అవసరం నాకేం ఉంది? కాపు రిజర్వేషన్లు ఇవ్వను అని జగన్ చెప్పాడు… సంతోషం. కానీ కాపు సామాజికవర్గం అతడికి ఓటేసింది. కాపు సామాజికవర్గం అంతా ఓటేయకపోతే జగన్ గెలవడు. ఇవాళ కాపు సామాజిక వర్గం కూడా ఆలోచించాలి, బీసీ, ఎస్సీ సామాజిక వర్గాలు ఆలోచించాలి. జగన్ కు ఎందుకు ఓటెయ్యాలి.

వైసీపీని అందలం ఎక్కిస్తే మన భవిష్యత్‌ను చంపేస్తారని అన్నారు. తనకు గిద్దలూరులో బలం ఉన్నా.. తెలుగుదేశం అభ్యర్థికి మద్ధతు ఇచ్చానని తెలిపారు.ఈ రాష్ట్ర భవిష్యత్ కోసం త్యాగం చేశానని అన్నారు. కూటమి ప్రభుత్వం రాగానే తెలుగు గంగ, గుండ్లమోటు ప్రాజెక్టులను ఏకం చేస్తామని మాటిచ్చారు. ఇక ఫ్యాన్స్‌పై కూడా ప‌వ‌న్ సీరియ‌స్ అయ్యారు. కండువా విసిరేయ‌డంతో మండిప‌డ్డారు. అది విప్ల‌వానికి సంకేతం అని అన్నారు. అలానే గుండెలు కొట్టుకుంటే స‌రిపోదు. ఓటెయ్యాలి. నేను మీ కోసం వ‌చ్చాను. 70 కోట్లు ట్యాక్స్ క‌ట్టాను. ఐదు సంవ‌త్స‌రాలుగా 200 కోట్లు సంపాదించాను. అవ‌న్నీ వ‌దిలేసుకొని మీ కోసం వ‌చ్చాను. జోష్ భవిష్య‌త్‌ని నిర్ణ‌యించేలా ఉండాల‌ని ప‌వ‌న్ అన్నారు.