Pawan Kalyan : ప‌వ‌ర్ స్టార్ పవన్ కళ్యాణ్ ప్రస్తుతం సినిమాల‌తో పాటు రాజ‌కీయాల‌తో బిజీగా ఉన్నారు. ఒక‌వైపు రాజ‌కీయాల‌తో చాలా బిజీగా ఉన్న‌ప్ప‌టికీ అడ‌పాద‌డపా సినిమా షూటింగ్స్‌లో పాల్గొంటూనే ఉన్నాడు. ప్రస్తుతం హరి హర వీరమల్లు సినిమా చిత్రీకరణలో పాల్గొంటున్న పవన్.. ఇటీవలే సాహో డైరెక్టర్ సుజీత్ దర్శకత్వంలో మరో ప్రాజెక్ట్కు గ్రీన్ సిగ్నల్ ఇచ్చిన విష‌యం తెలిసిందే. ట్రిపుల్ ఆర్ మూవీ నిర్మాణ సంస్థ డీవీవీ దానయ్య ఎంటర్టైన్మెంట్ బ్యానర్ పై ఈ సినిమా రూపొంద‌నుండ‌డంతో ఈ మూవీపై అంచనాలు పెరిగిపోయాయి. ఇక మరోవైపు.. డైరెక్టర్ హరీష్ శంకర్ దర్శకత్వంలోనూ పవన్ ఓ సినిమా చేయాల్సి ఉంది.
తమిళ్ స్టార్ హీరో విజయ్ నటించిన తేరి సినిమాను హరీష్ రీమేక్ చేయనున్నట్లుగా టాక్ వినిపిస్తోండ‌గా, ఈ రూమర్స్ పై పవన్ ఫ్యాన్స్ ఆగ్రహం వ్యక్తం చేస్తున్నారు. ఈ సినిమా రీమేక్ చేసే ఆలోచన మానుకోవాలని.. ఆ మూవీ రీమేక్ అంటూ ప్రకటన మాత్రం రావొద్దంటూ సోషల్ మీడియా వేదికగా దర్శకుడికి డిమాండ్ చేస్తున్నారు. ఓ యాష్ ట్యాగ్‌ను మొదలు పెట్టారు. “వి డోంట్ వాంట్ తేరి రీమేక్” అంటూ స్టార్ట్ చేశారు. ప్రస్తుతం ఈ యాష్ ట్యాగ్ ఇండియా వ్యాప్తంగా ట్రెండ్ అవుతోంది. ఇక మరో ఫ్యాన్ అయితే ఇంకా ముందుకెళ్లి.. ఓ సూసైడ్ నోట్ కూడా రాశాడు. తేరి రీమేక్ కనుక చేస్తే.. చస్తానని.. తన చావుకు మైత్రీ మూవీ మేకర్స్‌తో పాటు హరీష్ శంకర్ కూడా భాద్యత వహించాలంటూ ఉన్న లేఖ కూడా షేర్ చేశాడు.
తేరి సినిమా పోలీసోడుగా తెలుగులో అందుబాటులో ఉంది. అలానే ఓటీటీలోను ఈ సినిమాని చాలా మంది చూశారు. ఈ క్ర‌మంలో ఆ సినిమాని మరోసారి ఇలా ఎందుకు చేస్తున్నార‌ని పవన్ ఫ్యాన్స్ ఫైర్ అవుతున్నారు. ఇక పవన్ కళ్యాణ్ రీమేక్ సినిమాలు చేయడం కొత్తేమి కాదు. ఇటీవల మలయాళం సూపర్ హిట్ సినిమా అయ్యప్పనుమ్ కోషియమ్ రీమేక్ చేసి భీమ్లా నాయక్ పేరుతో ప్రేక్షకుల ముందుకు రాగా, ఇందులో రానా దగ్గుబాటి.. నిత్యా మీనన్ కీలకపాత్రలలో నటించారు. వ‌కీల్ సాబ్ చిత్రాన్ని కూడా పింక్ రీమేక్‌గా చేసిన విష‌యం తెలిసిందే.
