Pakeezah : పాకీజా ఒక‌ప్పుడు తన న‌ట‌న‌తో ఎంత అద‌ర‌గొట్టిందో మ‌నం చూశాం.అయితే విచిత్ర ప‌రిస్థితుల వ‌ల‌న తాను రోడ్డున ప‌డాల్సి వచ్చింది. కొన్ని రోజుల క్రితం వరకు వ్యక్తిగత జీవితంలో గడ్డు పరిస్థితులను ఎదుర్కొన్న పాకీజా మళ్లీ ముఖానికి రంగు వేసుకుంది. సిల్వర్‌ స్ర్కీన్‌పై కాకపోయినా ఎంతో మందికి జీవితాన్ని ఇస్తోన్న బుల్లితెరపైకి అడుగుపెట్టింది. ఇది ఆమెకు కొత్త జీవితం అని చెప్పలేం కానీ ఆ దశలో మొదటి అడుగు మాత్రం అని కచ్చితంగా చెప్పవచ్చు. పాకీజా పరిస్థితి చూసి చ‌లించిపోయిన నాగబాబు ఆర్ధిక సాయం చేయ‌గా, చిరంజీవి సైతంకొంత సాయం చేశారు. ఆమెను ఆదుకోవాలని చెప్పారు.
తాజాగా సెలబ్రిటీ థీమ్ అనే ఈవెంట్ ను నిర్వహించారు జబర్దస్త్ లో. ఇందులో భాగంగా ముందుగా కెవ్వు కార్తీక్ టీమ్ పర్ఫార్మెన్స్ చేసింది. ఆ తర్వాత పాకీజా గ్లాసెస్ పెట్టుకుని స్టైల్ గా డ్యాన్స్ చేసుకుంటూ వచ్చింది. అంతలోనే రైజింగ్ రాజు వచ్చి ఆమెకు డ్యాష్‌ ఇచ్చాడు. దాంతో ఆమె పడిపోతుంటే పట్టుకుంటాడు రాజు. బరువున్నానా అని ఆమె అడగ్గా.. డాక్టర్లు వేసిన స్టంట్ కంటే బరువేం లేవు అంటూ చెబుతాడు రాజు. దాంతో నవ్వులు పూస్తాయి. ఇక తెర మీద ఆమెను చాలా కాలం తర్వాత చూడటంతో అంతా ఆనందం వ్యక్తం చేస్తున్నారు.ఇలా మొత్తానికి పాకీజా ఎంట్రీతో ఎక్స్‌ట్రా జబర్దస్త్ ఫ్యాన్స్ తెగ కామెంట్లు పెడుతున్నారు. ఆమెను ఈ షోలో కొనసాగించి, ఆదుకోవాలని కోరుతున్నారు.
సుమారు 150కి పైగా సినిమాల్లో నటించి మెప్పించిన పాకీజా టాలీవుడ్‌ సెలబ్రిటీల సహాయంతో కొంత తేరుకుంది. ఇటీవల మా అధ్యక్షుడు విష్ణు కూడా తన సొంత డబ్బులతో మా అసోసియేషన్‌ కార్డు కూడా ఇప్పించారు. ఇప్పుడిప్పుడే ఆమెకు బుల్లితెర వెండితెర ఆఫ‌ర్స్ కూడా వ‌స్తుండ‌డంతో కొంత తేరుకుంటున్న‌ట్టు క‌నిపిస్తుంది. రానున్న రోజుల‌లో ఆమె మళ్లీ బిజీ కానుంద‌ని అంటున్నారు.
