Niharika Konidela : విడాకుల పుకార్ల నేప‌థ్యంలో ఫొటోలు బ‌య‌ట‌పెట్టిన నిహారిక‌..!

Niharika Konidela : మెగా బ్ర‌ద‌ర్ నాగ‌బాబు ముద్దులు కూతురు నిహారిక విడాకుల‌కి సంబంధించి కొన్నాళ్లుగా అనేక ప్ర‌చారాలు న‌డుస్తున్నాయి. భర్త జొన్నలగడ్డ వెంకట చైతన్యతో నిహారిక విడిపోతున్నారని.. ఈ ఇద్ద‌రు ఇన్‌స్టాగ్రామ్‌లో ఒకరినొకరు అన్‌ఫాలో చేసుకోవడం.. చైతన్య తన ఇన్‌స్టాగ్రామ్ పేజ్ నుంచి పెళ్లి ఫొటోలను డిలీట్ చేయడంతో వీరు విడిపోవడం ఖాయం అని కొంద‌రు జోస్యాలు కూడా చెప్పుకొచ్చారు. అయితే ఈ వార్త‌ల నేప‌థ్యంలో నిహారిక ఇప్పుడు నెట్టింట మళ్లీ యాక్టివ్‌గా మారిపోయింది. సుమారు 3 నెలల తర్వాత సోలో స్టిల్‌తో అందరి ముందుకొచ్చింది నిహారిక.

రెడ్‌ ఆరెంజ్‌ హాఫ్‌ శారీలో నిహారిక తెలుగుదనం ఉట్టిపడే లుక్‌లో మెరిసిపోతూ ఫొటోషూట్ చేసింది. ఈ స్టిల్‌ను ఇన్‌స్టాగ్రామ్‌లో షేర్ చేయగా.. ఇప్పుడీ స్టిల్ నెట్టింట్లో ట్రెండింగ్ అవుతోంది. హాఫ్ శారీలో నిహారిక సోలో గా క‌నిపించ‌డంతో.. ఇక ప్రొఫెషనల్‌ కెరీర్‌పై ఫోకస్‌ పెట్టబోతున్నట్టు పరోక్షంగా చెప్పేస్తుందంటున్నారు సినీ జనాలు. ఈ ఫొటోషూట్ ఎందుకు చేశారు అనే విషయం పక్కన పెడితే ఫొటోల్లో నిహారిక మాత్రం చాలా అందంగా కనిపిస్తున్నారు.

నిహారిక ఫొటోలను చూసి మెగా అభిమానులు ఆనందం వ్యక్తం చేస్తున్నారు. ఫొటోలు చాలా బాగున్నాయని కొంద‌రు పొగ‌డ్త‌లు కురిపిస్తున్నారు. మొత్తానికి చాలా రోజుల తరవాత నిహారిక‌ పోస్ట్ పెట్టిందని మెగా అభిమానులు ఆనందపడుతుంటే.. మ‌రి కొంద‌రు ఆమె విడాకుల అంశంపై ఆరాలు తీస్తున్నారు. సినిమాల పరంగా నిహారిక ఫెయిల్ అయింది. కానీ బుల్లితెర, ఓటీటీలపై మాత్రం నిహారిక సక్సెస్ అయింది. వెబ్ సిరీస్‌లతో తన అభిరుచిని చాటుకుంది. ఈ అమ్మ‌డు నటిగా క‌న్న నిర్మాత‌గానే ఎక్కువ‌గా స‌క్సెస్ అయింది. చూస్తుంటే రానున్న రోజుల‌లో మంచి సినిమాలు నిర్మించేలా ఉంద‌ని కొంద‌రు కామెంట్స్ చేస్తున్నారు.