Niharika Konidela : డిసెంబ‌ర్ 9, 2020న రాజస్థాన్‌లోని ఉదయ్‌పూర్‌లో ఉన్న ఒబెరాయ్ ఉదయ్ విలాస్‌లో అంగరంగ వైభవంగా నిహారిక, జొన్నలగడ్డ చైత‌న్య‌లు పెళ్లి జ‌రుపుకున్నారు. వారి వివాహం దేశ వ్యాప్తంగా చర్చనీయాంశం అయింది. అందుకు కారణం ఈ వివాహ వేడుకలో మెగా, అల్లు ఫ్యామిలీలతో పాటు సినిమా ఇండస్ట్రీ నుంచి చాలా మంది సెలబ్రిటీలు హాజరు కావ‌డ‌మే. దాదాపు నెల రోజుల పాటు వీరి పెళ్లికి సంబంధించిన ఫొటోలు నెట్టింట వైరల్ అయ్యాయి. అయితే, పెళ్లయిన రెండేళ్లకు చైతన్య, నిహారిక మధ్య విభేదాలు వచ్చినట్టు తెలుస్తోంది.గత రెండుమూడు నెలలుగా నిహారిక విడాకుల వార్తలు జోరందుకోగా, ఈ రూమర్లకు తగ్గట్టుగానే పరిస్థితులు కూడా కనిపించాయి. అయితే దీనిపై ఎవ‌రు స్పందించ‌క‌పోవ‌డంతో అనుమానాలు అలానే ఉండిపోయాయి.
నిహారిక భర్త చైతన్య జొన్నలగడ్డ ఎప్పుడైతే తన ఇన్‌స్టాగ్రామ్‌ అకౌంట్‌ నుంచి తన పెళ్లి ఫోటోలను డిలీట్ చేసాడో అప్పుడు ఈ ఇష్యూ చర్చనీయాంశం అయింది. నిహారిక- చైతన్య డివోర్స్ తీసుకోబోతున్నారంటూ పెద్ద ఎత్తున ప్రచారాలు నడిచాయి. ఈ ప్ర‌చాలరాల న‌డుమ నిహారిక- చైతన్య విడాకులు తీసుకుంది నిజ‌మేన‌ని తేలింది. జొన్నలగడ్డ వెంకట చైతన్య నుంచి విడాకులు కావాలని కోరుతూ నిహారిక కోర్టుకెళ్లారు. హైదరాబాద్‌లోని కూకట్‌పల్లి ఫ్యామిలీ కోర్టులో నిహారిక దరఖాస్తు చేసుకున్నారు. హిందూ చట్ట ప్రకారం విడాకుల కోసం ఆమె దరఖాస్తు చేసుకోగా.. కోర్టు గత నెల 5న వారికి విడాకులు మంజూరు చేసింది. నిహారిక తరుపున పిటిషన్ వేసిన లాయర్.. పవన్ కళ్యాణ్ కి అభిమానిగా, జనసేన మద్దతు దారుడిగా ఉన్న కళ్యాణ్ దిలీప్ సుంకర. పిటిషన్ లో అతడి పేరు ఉంది. కళ్యాణ్ దిలీప్ సుంకర నాగబాబుకు చాలా సన్నిహితంగా ఉంటారు.
నిహారిక, చైతన్య ఎందుకు విడాకులు తీసుకున్నారు మనస్పర్థలకు కారణం ఏంటి అనే ప్రశ్నలపై చర్చ జరుగుతున్నప్పటికీ.. ఈ విషయాలని మెగా ఫ్యామిలీ గోప్యంగా ఉంచింది. నిహారిక నటిగా రాణిస్తుండగా.. చైతన్య వ్యాపారాలతో బిజీగా ఉన్నారు. 2020లో వివాహంతో మొదలైన వీరి బంధం ఎక్కువరోజులు నిలబడలేదు. రీసెంట్‌గా చైతన్య.. ఓ లాంగ్ పోస్ట్ చేశారు. ఈ స్థలం దగ్గరకు రావడానికి నన్ను నడిపించిన అందరికీ కృతజ్ఞతలు. గత 10 రోజులుగా విపస్సనా యోగను చేయడంతో నా జీవితం ఇప్పుడు కాస్తా ఉల్లాసంగా ఉంటోంది. ఒకరి జీవితంలో ఇలా చాలా అరుదుగా జరుగుతుంది. ఎటువంటీ అంచనాలు లేకుండా వచ్చి తమకు తెలియని జ్ఞానంతో బయటకు వస్తానని నేను ఊహించలేదు. ఈ సమయంలో అండగా ఉన్నందకు కృతజ్ఞతలు అంటూ ఇందులో రాశారు. అంటే పెళ్లి చేసుకొని విడాకులు తీసుకున్న కార‌ణంగా మ‌న‌శ్శాంతి కోసం అక్క‌డికి వెళ్లాడాని అంద‌రు అనుకున్నారు.
