Nayanthara : న‌య‌న‌తార‌నే ఆశ్చ‌ర్య‌ప‌ర‌చిన ఎన్టీఆర్.. అంత‌లా ఏం చేశాడు..?

Nayanthara : లేడి సూప‌ర్ స్టార్ న‌య‌న‌తార పెద్ద‌గా ప్ర‌మోష‌న్ కార్య‌క్ర‌మాల‌లో పాల్గొన‌దు. సినిమాలో న‌టించిన త‌ర్వాత మ‌ళ్లీ ఆ సినిమాని పెద్ద‌గా ప్ర‌మోట్ చేసిన దాఖ‌లాలు పెద్ద‌గా లేవు. అయితే తాజాగా త‌ను న‌టించిన క‌నెక్ట్ సినిమా కోసం జోరుగా ప్ర‌మోష‌న్స్ చేస్తుంది. అశ్విన్ శరవణన్ దర్శకత్వం వహించిన ఈ సినిమా, తెలుగు .. తమిళ భాషల్లో ఈ నెల 22వ తేదీన విడుదల కానుంది. ‘కనెక్ట్’ సినిమా ఆమె సొంత బ్యానర్ పై నిర్మించడం వ‌లన ఆమె ప్రమోషన్స్ కోసం రంగంలోకి దిగక తప్పలేదు. ఈ నేపథ్యంలోనే సుమ చేసిన ఇంటర్వ్యూలో నయనతార దగ్గర ఎన్టీఆర్ ప్రస్తావన వచ్చింది. అప్పుడు ఆమె తనదైన శైలిలో స్పందించారు.

చాలామంది హీరోలు రిహార్సల్స్ అవసరం లేకుండా డాన్స్ చేస్తామని చెప్పుకుంటూ ఉంటారు. కానీ ఒకటీ రెండు సార్లయినా వాళ్లు రిహార్సల్స్ చేయ‌క త‌ప్ప‌దు. కానీ ఎన్టీఆర్ అలా కాదు .. రిహార్సల్స్ చేద్దామా అని అడిగితే, తనకి అవసరం లేదని అంటారు. డాన్స్ మాస్టర్ చెప్పడమే ఆలస్యం .. టేక్ కి వెళ్లిపోదామని అని అంటారు. ఒక్కోసారి డాన్స్ మాస్టర్ చెప్పినదానికంటే బెటర్ గా చేయడం చూసి నేను ఆశ్చర్యపోయాను . ఆయ‌న‌ నిజంగా ఆయన చాలా టాలెంటెడ్” అంటూ చెప్పుకొచ్చారు. గతంలో ఈ ఇద్దరూ కలిసి ‘అదుర్స్’ సినిమాలో చేసిన సంగతి తెలిసిందే.

ఎన్టీఆర్ డాన్స్ కి ఫిదా అయిపోని వారు ఉండరు అని, అతను ఒక గొప్ప డాన్సర్ అని.. డాన్స్ చేసే సమయంలో తనని తాను మలుచుకునే విధానం అవుట్ స్టాండింగ్ అంటూ ప్ర‌శంస‌లు కురిపించింది న‌య‌న‌తారు. అదుర్స్ సినిమా షూటింగ్ సమయంలో జరిగిన ఓ సంఘటనను షేర్ చేసుకుంది. న‌య‌న్ అదుర్స్ మూవీ షూట్ సమయంలో నేను టచప్ చేసుకుంటుండగా తారక్ నన్నే చూస్తూ ఉండిపోయాడని, ఎందుకంత టచప్ అంటూ సరదాగా తనను ఆటపట్టించారని నయన్ చెప్పింది ఇక ప్రభాస్ తో షూటింగ్లో పాల్గొనడం అంటే చాలా సరదాగా ఉంటుందని చెప్పింది. ఆయ‌న పాన్ ఇండియా స్టార్‌గా ఎద‌గ‌డం సంతోషంగా ఉంద‌ని కూడా తెలియ‌జేసింది.