Naveen Polishetty : కెరీర్ ఆరంభం నుంచే డిఫరెంట్ స్టైల్ మెయిన్ టైన్ చేస్తూ ప్రేక్షకుల మనసు దోచుకుంటున్నాడు యంగ్ హీరో నవీన్ పోలిశెట్టి . ‘జాతిరత్నాలు’ చిత్రంతో అలరించి ఎంతో మంది ప్రేక్షకుల మ‌న‌సులు గెలుచుకున్న నవీన్ పోలిశెట్టి రీసెంట్‌గా అనుష్క శెట్టితో కలిసి ‘మిస్ శెట్టి మిస్టర్ పొలిశెట్టి’ తో ప‌ల‌క‌రించాడు. ఈ సినిమా ప్రమోషన్స్ బాధ్యత మొత్తం తీసుకున్న నవీన్ పోలిశెట్టి తనదైన కోణంలో యూత్ ని అట్రాక్ట్ చేసారు. మంత్రి మల్లారెడ్డి స్థాపించిన CMR కాలేజ్ కు వెళ్లి అక్కడి స్టూడెంట్స్‌ని హూషారెత్తించారు. ఆయన స్టైల్, స్పీచ్ అంటే నాకు చాలా ఇష్టం అంటూ వేదికపై చెప్పిన నవీన్ పోలిశెట్టి.. మల్లా రెడ్డి స్టైల్ లోనే “కష్ట పడ్డా. ఇన్ని హిట్లు ఏడికెళ్ళి వచ్చినాయి, ఎట్లచ్చినాయి, నేనేమైన మాయ జేషినానా, మంత్రం జేషినానా, కష్ట పడ్డా, స్కిట్లు రాషినా, యూట్యూబ్ లో వీడియోలో జేషినా, అనుష్కతో హీరో గా జేషినా… సక్సెస్ అయినా..” అంటూ అదరగొట్టేశాడు.
తాజాగా ప్రపంచ యాత్రికుడు.. నా అన్వేషణ యూట్యూబర్ అన్వేష్ ని ఇమిటేట్ చేశాడు. తాజాగా తన ట్విట్టర్ అకౌంట్‌లో ఈ వీడియోను పోస్ట్ చేస్తూ “నా అన్వేషణ.. ప్రపంచ యాత్రికుడు.. ఎవర్రా మీరంతా” అంటూ క్యాప్షన్ ఇచ్చాడు నవీన్. ఇక వీడియోలో అన్వేష్‌ను ఇమిటేట్ చేస్తూ తన కొత్త సినిమా మిస్ శెట్టి మిస్టర్ పోలిశెట్టిని ప్రచారం చేసుకున్నాడు.
ఫ్రెండ్స్ మనం ఈరోజు లాస్ ఏంజెల్స్‌కి వచ్చేశాం.. ఆటగాళ్లు.. ఆటగాళ్లు అందరూ చూసెత్తనారు.. వీడియో.. ఆటగాళ్లందరికీ నేను చెప్పేది ఏంటంటే.. చదువుకోండిరా బాబూ ఫస్ట్.. మంచి ఆటగాళ్లే అంతా ఆ మంచి ఆటగాళ్లు.. మీరు కూడా నాకు లాగ లాస్ ఏంజెల్స్ రావాలంటే చదువుకోండిరా బాబూ ఫస్ట్.. గుంటలందరూ ఈ మధ్య పెళ్లి కాకుండా ప్రెగ్నెంట్ అయిపోవాలనుకుంటున్నార్రా.. ఆటగాళ్లందరికీ నేను చెప్పేదేంటంటే.. మీరు మిస్ శెట్టి.. మిస్టర్ పోలిశెట్టి సినిమా చూస్తే మీరు ఏ పిచ్‌లో ఆడాల్సిన పరిస్థితి లేకుండా కప్‌లో ఆడాల్సిన పరిస్థితి వచ్చేసింది ఇప్పుడు.. మిస్ శెట్టి.. మిస్టర్ పోలిశెట్టి సినిమా చూసేయండ్రా ముందు.. అమ్మనాన్నలకు ఫ్యాన్స్ అవండ్రా ఫస్ట్.. చదువుకోండ్రా బాబూ ముందు..” అంటూ తెగ నవ్వించాడు జాతిరత్నం.అన్నా ఏందీ ఈ టాలెంట్, ఒరిజినల్ ఏదో కూడా తెలీడం లేదు, 100 శాతం దింపేశావ్ అన్నా అంటూ నెటిజన్లు కామెంట్లు పెడుతున్నారు.
