Nagarjuna : అక్కినేని నాగార్జున న‌టించిన తాజా చిత్రం నా సామిరంగ. ఈ వయసులోనూ తన ఎనర్జీ, తన ఛార్మింగ్, తన యాక్టింగ్‌తో ఫ్యాన్స్‌కు కిక్కిచ్చాడు. ఈ సంక్రాంతికి నా సామిరంగ అంటూ బాక్సాఫీస్ వద్ద తన సత్తా చాటుతున్నాడు. బరిలోకి చివర్లో దిగినా కూడా తన మార్క్ వేశాడు. ఇక దీంతో ఈ సంక్రాంతి సినిమాల్లో సెకండ్ చాయిస్‌గా మెజార్జీ ఆడియెన్స్‌లో స్థానం సంపాదించుకున్నాడు. నా సామిరంగ సినిమాకు ఉన్నది చిన్న టార్గెట్ కాబట్టి.. వచ్చిన ఈ టాక్‌తో త్వరలోనే బ్రేక్ ఈవెన్ అయ్యేలా ఉంది.నా సామిరంగ ప్రమోషన్స్‌లో నాగార్జున మాట్లాడిన మాటలు వైరల్ అవుతున్నాయి.
ఓ ఇంట‌ర్వ్యూలో.. మీరు ఇప్పటికి ఇంత ఫిట్ గా ఉండటానికి కారణం ఏంటి? రాత్రి పూట తినరా? రైస్ తింటారా? అని అడ‌గ‌గా,దానికి స్పందించిన నాగ్..నేను అన్ని తింటాను. కాకపోతే వైట్ రైస్ ఒక్కటి తినను. దాని బదులు బ్రౌన్ రైస్ తింటాను. అందులోకి ఆకు కూరలు, కూరగాయలు అన్ని తింటాను. పచ్చడి కూడా తింటాను..నాన్ వెజ్ కూడా ఫుల్ గా తింటాను. షూటింగ్ లో చేపల పులుసు అక్కడే పట్టి అక్కడే చేయించుకొని మరి తింటాను. ఫుడ్ పరంగా ఎలాంటి రిస్ట్రిక్షన్స్ నేను పెట్టుకోను. రాత్రి పూట మాత్రం ఎర్లీగా తింటాను. కనీసం 7 గంటల లోపే తినేస్తాను. రాత్రి పడుకునేటప్పుడు మాత్రం స్వీట్ కచ్చితంగా తింటాను. ఓ రెండు రౌండ్స్ వేసుకుంటాను. ఇవన్నీ ఫుల్ గా తిన్నా ఉదయం ఫుల్ గా వర్కౌట్స్ చేస్తాను. 35 ఏళ్లుగా నేను ఇదే ఫాలో అవుతున్నాను. పొద్దున్నే ఎక్కువగా వర్కౌట్స్ చేస్తాను. మనం తిన్నది అంతా ఎనర్జీ కింద మారిపోవడానికి’ అని తన అందం సీక్రెట్ బయటపెట్టారు మన కింగ్.
ఇక నాగ్ న‌టించిన నా సామిరంగ చిత్రం కుటుంబ నేపథ్యంలో వ‌చ్చింది కాబట్టి సుమ..నాగార్జున‌ని ర్యాపిడ్ ఫైర్ ప్ర‌శ్న‌లు వేసింది. దానిలో ఇన్‌డైరెక్ట్‌గా స‌మంత ప్ర‌శ్న ఎదురు కాగా, ఆ క్యూ చేయ‌మ‌ని సీరియ‌స్‌గా చెప్పాడు నాగ్. మొత్తానికి నాగార్జున మాత్రం ఈ సంక్రాంతికి మ‌రో మంచి హిట్ తన ఖాతాలో వేసుకున‌నాడ‌నే చెప్పాలి.
