Naga Chaitanya : అక్కినేని వార‌సుడు నాగ చైతన్య తన కెరీర్లో వైవిధ్య‌మైన సినిమాలు చేసుకుంటూ ముందుకు వెళుతున్నాడు. ఆయన న‌టిస్తున్న తాజా చిత్రం ‘కస్టడి’. తమిళ దర్శకుడు వెంకట్ ప్రభు దర్శకత్వం వహించిన ఈ మూవీలో తమిళ స్టార్ అరవింద్ స్వామి కీలక పాత్రలో నటిస్తున్నారు. ఈ మూవీకి మాస్ట్రో ఇలయరాజా సంగీతం అందిస్తున్నారు. ఈ సినిమా తెలుగు, తమిళ భాషల్లో మే 12న ప్రపంచ వ్యాప్తంగా గ్రాండ్ గా విడుదల కానుంది. ఇక ఇదిలా ఉంటే నాగ చైతన్య తన అభిరుచుకి తగ్గట్లుగా కొత్త ఇల్లు నిర్మించుకుని అందులోకి రీసెంట్ గా గృహప్రవేశం చేసినట్లు టాక్ న‌డుస్తుంది.
నాగ చైతన్య, సమంత వివాహం తర్వాత సీనియర్ నటుడు మురళి మోహన్ కి చెందిన ప్రాపర్టీని కొనుగోలు చేసిన విష‌యం తెలిసిందే. కొంతకాలం సమంత, నాగ చైతన్య ఆ ఇంట్లోనే కాపురం చేశారు. ఆ తర్వాత విభేదాలతో చైతు విడిపోవ‌డంతో ఆ ఫ్లాట్‌ని సమంతకి విడిచిపెట్టి నాగార్జున ఇంట్లోకి వెళ్ళాడట. అయితే చైతు ఎప్పటి నుంచో తన అభిరుచికి తగ్గట్లుగా మోడ్రన్ గా ఉండే మంచి ఇంటిని నిర్మించుకోవాలని అనుకునేవాడట. నాగార్జున ఇంటికి దగ్గర్లోనే ఒక స్థలం కొని చకచకా ఒక లగ్జరీ ఇంటిని నిర్మించుకున్నాడట చైతూ.
రీసెంట్‌గా ఆ హౌజ్‌లోకి అడుగుప‌ట్టాడ‌ట నాగ చైతన్య. స‌క‌ల సౌక‌ర్యాలు అందులో ఉండేలా చైతూ కొత్త ఇంటిని నిర్మించుకుంటున్న‌ట్టు తెలుస్తుంది. ఇందులో స్విమ్మింగ్ పూల్, అందమైన గార్డెన్, జిమ్, థియేటర్ అన్ని ఉంటాయ‌ట. ఇక త్వ‌ర‌లోనే నాగ చైతన్య రెండో పెళ్లి చేసుకోబోతున్నాడ‌ని, అందుకే కొత్తింట్లోకి అడుగుపెట్టాడ‌ని కొంద‌రు నెటిజ‌న్స్ కామెంట్ చేస్తున్నారు. అయితే ఇందులో ఎంత నిజం ఉంద‌నే దానిపై మాత్రం క్లారిటీ రావ‌ల‌సి ఉంది. ఇదిలా ఉండగా నాగ చైతన్య ఒక వైపు మూవీస్ చేస్తూనే మరోవైపు వెబ్ సిరీస్లకు గ్రీన్ సిగ్నల్ ఇస్తున్నారు. సమంతతో విడాకుల తర్వాత కెరీర్లో మరింత వేగం పెంచిన చైతూ.. మంచి స‌క్సెస్‌లు కూడా అందుకుంటున్నాడు. తన తండ్రి నాగార్జునతో క‌లిసి చేసిన బంగార్రాజు చిత్రం మంచి హిట్ కొట్టిన ఆ తర్వాత అలాంటి రేంజ్ విజ‌యాలు సాధించ‌లేదు.
