అనుష్క – నాగచైతన్య ప్రేమ సంగతేంటి.. ఎవరు బయట పెట్టారు.. తర్వాత ఏం జరిగింది..?

పూరీ జగన్నాథ్ డైరెక్షన్ లో కింగ్ నాగార్జున హీరోగా వచ్చిన సూపర్ సినిమాతో టాలీవుడ్‌లోకి ఎంట్రీ ఇచ్చింది అనుష్క. సూపర్ మూవీ హిట్ అవ్వడంతో వరుసగా స్టార్ హీరోల సరసన నటించింది స్వీటీ. అనుష్క శెట్టి ఓ వైపు టాప్ హీరోలతో నటిస్తూనే.. మరోవైపు లేడీ ఓరియెంటెడ్ సినిమాతో సత్తాచాటింది. అరుంధతి సినిమాతో అనుష్క రేంజ్ ఒక్కసారిగా పెరిగిపోయింది. ఇటీవల పూర్తిగా సినిమాలు తగ్గించిన అనుష్క.. చివరిగా నిశ్శబ్ధం మూవీలో నటించింది. ఆ తరువాత వెండితెరపై కనిపించలేదు. అనుష్క ఇండస్ట్రీకి వచ్చి 17 ఏళ్లకు పైనే అయ్యింది.

40 ఏళ్ల వయసున్న స్వీటీ మాత్రం ఇంకా వివాహ బంధంలోకి అడుగుపెట్టలేదు. అయితే ఆమె పెళ్లిపై ఎప్పుడూ వార్తలు చక్కర్లు కొడుతూనే ఉంటాయి. ప్రభాస్‌తో అనుష్క ప్రేమలో ఉందంటూ అప్పట్లో పుకార్లు వచ్చాయి. అంతేకాదు వాళ్ళిద్దరూ చెట్టాపట్టాలేసుకుని తిరిగారని, పెళ్ళి చేసుకోవాలనుకుంటున్నారని వార్తలు సోషల్ మీడియాలో గుప్పుమన్నాయి. అయితే ఈ విషయంపై అటు ప్రభాస్, ఇటు అనుష్క స్పందించలేదు. అయితే ప్ర‌భాస్ – అనుష్క రూమ‌ర్ల కంటే ముందే ఇంకా చెప్పాలంటే ప్ర‌భాస్‌తో అనుష్క మిర్చి సినిమా చేస్తున్న‌ప్పుడే నాగ‌చైత‌న్య – అనుష్క ప్రేమ‌లో ఉన్నార‌ని.. వీరు త్వ‌ర‌లోనే పెళ్లి కూడా చేసుకోబోతున్నారు.

వీరి పెళ్లికి నాగార్జున కూడా గ్రీన్‌సిగ్న‌ల్ ఇచ్చేశార‌ని పుకార్లు వ‌చ్చాయి. ఇవి పుకార్లు అయితే ప‌ర్వాలేదు. ఏకంగా మెయిన్ స్ట్రీమ్ మీడియా అయిన ఆంధ్ర‌జ్యోతి ఈ వార్త ప్రచురించడంతో అప్ప‌ట్లో సెన్షేష‌న‌ల్ అయ్యింది. అయితే ఈ వార్త‌ల‌పై నాగార్జున తీవ్ర అస‌హ‌నం వ్య‌క్తం చేస్తూ మండిప‌డ్డాడు. ఆ త‌ర్వాత ఆంధ్ర‌జ్యోతి కూడా ఈ వార్త‌ను స‌వ‌రించుకుంది. ఏదేమైనా త‌న తండ్రికి చాలా క్లోజ్‌గా ఉండే అనుష్క‌తో నాగ‌చైత‌న్య పెళ్లి వార్త అప్ప‌ట్లో పెను సంచ‌ల‌నం అయ్యింది. ఆ వివాదం ముగిశాక ప్ర‌భాస్ – అనుష్క పెళ్లి ఎప్పుడూ వార్త‌ల్లో నిలుస్తుంది.