Mohanlal Alone Movie : మలయాళ స్టార్ మోహన్ లాల్ త‌న కెరీర్‌లో ఇప్ప‌టి వ‌ర‌కు ఎన్నో ప్ర‌యోగాత్మ‌క చిత్రాలు చేసి మెప్పించారు దృశ్యం 2 వంటి థ్రిల్లర్ తో మంచి విజ‌యాన్ని అందుకున్న తర్వాత ఆరట్టు, బ్రో డాడీ, మాన్‌స్టర్‌ వంటి చిత్రాలు చేశారు మోహన్ లాల్. ఇక రీసెంట్‌గా ఎలోన్ సినిమాతో ప్రేక్షకుల ముందుకు వచ్చారు. షాజీ కైలాస్ దర్శకత్వంలో వచ్చిన ఈ సినిమా జనవరి 26న మలయాళ వెర్షన్ లో థియేటర్లలో విడుదల కాగా, ఇప్పుడు ఈ చిత్రాన్నితెలుగు, తమిళం, హిందీలో అనువదించి ఓటీటీలోకి తీసుకొచ్చారు. మార్చి 3 నుంచి డిస్నీప్లస్ హాట్‌స్టార్ లో స్ట్రీమింగ్ అవుతుండ‌గా, ఈ సినిమా ఎలా ఉందో చూద్దాం.
ఎలోన్ సినిమా క‌థ విష‌యానికి వ‌స్తే.. కరోనా సమయంలో లాక్ డౌన్ విధించ‌డంతో కాళీదాసు (మోహన్ లాల్) కోయంబత్తూర్ నుంచి కొచ్చికి షిఫ్ట్ అవుతాడు. ఒక కమ్యునిటీ అపార్టుమెంట్ లో అద్దెకు దిగ‌గా, ఆయ‌న‌కు విచిత్రమైన సంఘటనలు ఎదురవుతూ ఉంటాయి. ఒక తల్లీకూతుళ్ల గొంతులు రెగ్యూలర్ గా వినిపిస్తుండ‌డంతో వారి గురించి వాక‌బు చేస్తాడు. ఇద్దరు ఆడ‌వాళ్లు ఆత్మహత్య చేసుకున్నట్లు చెప్పి కేసు క్లోజ్ చేశారన్న విషయం తెలుసుకున్న కాళీ దాసు తిరిగి ఇన్వెస్టిగేషన్ ప్రారంభిస్తాడు. అప్పుడు కాళీదాసుకి ఎదురైన సంఘటనలు ఏంట‌నేది చిత్ర క‌థ.
ఎలోన్ సినిమాలో మ‌న‌కు కాళీదాసు అనే ఒక్క పాత్ర మాత్రమే కనిపిస్తుంది. మిగతా పాత్రలు కేవలం వాళ్ల ఫోన్ కాల్స్ లలో గొంతులు మాత్రమే వినిపిస్తాయి.సినిమా ఆద్యంతం ఆస‌క్తిక‌రంగా సాగుతుంది. చిత్రం ముందుగా ఒక హారర్ సినిమా అని అనిపిస్తుంది. రాను రాను ఈ సినిమా ఒక మర్డర్ మిస్టరీగా మారుతున్నట్లు అనిపించి మూవీ ఎండింగ్‌కి వ‌చ్చే స‌రికి ఒక సైకలాజికల్ థ్రిల్లర్ గా ముగుస్తుంది. డైరెక్టర్ షాజీ కైలాస్, హీరో మోహన్ లాల్ ఇద్దరు మంచి ప్ర‌య‌త్నే చేసిన ఇందులో కొంత ఎంగేజింగ్ సీన్లు, స్క్రిప్ట్ వర్క్ ఉంటే బాగుండేది. మోహన్ లాల్ ఎప్ప‌టిలానే త‌న న‌ట‌న‌తో అద‌ర‌గొట్టేశాడు. కాక‌పోతే ఒక్క పాత్ర అయ్యే స‌రికి జానాల‌కు బోర్ కొడుతుంది. కెమెరా పనితనం మాత్రం బాగుంది. మొత్తంగా ఈ సినిమాని ఒక్క ఫోన్ కాల్ లో తేల్చాల్సి ఉండ‌గా, సాగదీసి రెండు గంటలు చేశారనిపించింది.
