Minister Malla Reddy : ఇంట‌ర్‌లో కొత్త గ్రూప్ పేరు చెప్పిన మ‌ల్లారెడ్డి.. అంద‌రూ షాక‌య్యారుగా..!

Minister Malla Reddy : తెలంగాణ కార్మిక శాఖ మంత్రి చామకూర మల్లారెడ్డి సోషల్ మీడియాలో తరుచూ వైరల్ అవుతూ ఉండ‌డం మ‌నం చూస్తూనే ఉన్నాం. కొద్ది రోజుల క్రితం ఆయ‌న పాలమ్మినా.. పూలమ్మినా.. కష్టపడ్డా.. పైకి వచ్చినా.. అంటూ చెప్పే డైలాగులు చాలా ఫేమస్ అయింది. ఇక తెలంగాణ అసెంబ్లీ ఎన్నికల వేళ తనదైన రీతిలో ప్రచారం నిర్వహిస్తున్నారు. ముసమ్మలను పాసిపాపలా ఒళ్లో కూర్చోబెట్టుకున్నా.. షేర్ బ్యాండ్‌కు స్టెప్పులేసినా.. ప్రత్యర్థిపై పంచుల వర్షం కురిపించినా.. అది మల్లన్నకే సాధ్యం. ఇలా సోషల్ మీడియాలో ట్రెండింగ్‌లో ఉండే మల్లారెడ్డి తన పంచ్ డైలాగులు, డ్యాన్సులు, చేష్టలతో కూడా సంద‌డి చేస్తుంటారు.మేడ్చల్ బీఆర్ఎస్ అభ్యర్థిగా పోటీ చేస్తూ.. రిటర్నింగ్ అధికారికి నామినేషన్‌తో పాటు అఫిడవిట్ స‌మ‌ర్పించారు.

2014లో మల్కాజిగిరి ఎంపీగా పోటీ చేసిన మల్లారెడ్డి తాను.. ప్యాట్నీ గవర్నమెంట్ కాలేజ్‌లో ఇంటర్ చదివినట్లుగా అఫిడవిట్‌లో పేర్కొన్నారు. ఇక 2018 ఎన్నికల్లో ఆయన మేడ్చల్ అసెంబ్లీకి పోటీ చేయగా.. ఆ సమయంలో తాను వెస్లీ జూనియర్ కాలేజ్‌లో ఇంటర్ చదివినట్లు వెల్లడించారు. ప్రస్తుతం జరుగుతున్న అసెంబ్లీ ఎన్నికల అఫిడవిట్‌లో లక్ష్మీదేవి గవర్నమెంట్ కాలేజ్‌లో ఇంటర్ పూర్తి చేసినట్లుగా పేర్కొన్నారు. ఇలా గత మూడు ఎన్నికల్లో 3 రకాలుగా ఎడ్యూకేషన్ డీటైల్స్ ఇచ్చారు మల్లారెడ్డి. ప్రస్తుతం 2023 మేడ్చల్ నుంచి పోటీ చేస్తున్న సమయంలో ఇచ్చిన అఫిడవిట్ లో ఆయన రాఘవ లక్ష్మీదేవి గవర్నమెంట్ కాలేజీలో 1973లో ఇంటర్ చదివినట్టు పేర్కొన్నారు.

2014లో ఎంపీగా పోటీ చేసినప్పుడు మల్లారెడ్డి వయసు 56 సంవత్సరాలని ఇచ్చారని, ఇప్పుడు వయసు 70 సంవత్సరాలు అని ఇచ్చారని, 2014 నుండి 2023 వరకు 9 సంవత్సరాలే అవుతుందని, అలాంటప్పుడు మంత్రి మల్లారెడ్డి వయసు 70 సంవత్సరాలు ఎలా ఉంటుందని ప్రశ్నించారు. అయితే తాజాగా మ‌ల్లారెడ్డి చ‌ర్చాఘోష్టిలో పాల్గోన్న మ‌ల్లారెడ్డి ఇంట‌ర్‌లో త‌న కొత్త గ్రూప్ తెలియ‌జేశారు.జీఈసీ గ్రూప్ అని చెప్పిన మ‌ల్లారెడ్డి అంద‌రిలో ఆశ్య‌ర్యం క‌ల‌గ‌జేశాడు. ఈ గ్రూప్ లేద‌న్న రిపోర్ట‌ర్స్‌కి త‌న‌దైన శైలిలో బ‌దులిచ్చాడు. నేను మంత్రిగా, ఎంపీగా, ఎంఎల్ గా అవుతాన‌ని ఎప్పుడు అనుకోలేద‌ని మ‌ల్లారెడ్డి చెప్పుకొచ్చారు.