Manchu Lakshmi : మంచు బ్ర‌ద‌ర్స్ గొడ‌వ‌ల‌పై స్పందించిన మంచు ల‌క్ష్మీ.. అస‌లు విష‌యం ఏమిటంటే..?

Manchu Lakshmi : టాలీవుడ్‌లో ఉండే బిగ్ ఫ్యామిలీస్‌లో ఎక్కువ‌గా వివాదాల‌తో వార్త‌లతో నిలిచే ఫ్యామిలీ మంచు ఫ్యామిలీ. ఈ ఫ్యామిలీ హీరోలు ఎప్పుడు ఏదో ఒక స‌మ‌స్య‌తోనో లేదంటే ట్రోల్స్‌తోనో హాట్ టాపిక్ అవుతుంటారు. మంచు మోహన్ బాబు కుమారులు అయిన మంచు విష్ణు, మంచు మనోజ్ ఇద్దరి మధ్య గొడవలు మొదలైనట్లుగా గత కొంతకాలంగా అనేక రకాల రూమర్స్ చ‌క్క‌ర్లు కొట్టాయి. అందుకే మంచు మనోజ్ రెండో వివాహానికి కూడా విష్ణు హాజరు కాలేదనే టాక్ కూడా వినిపించింది. ఈ క్ర‌మంలోనే మ‌నోజ్ షేర్ చేసిన వీడియో నెట్టింట వైర‌ల్‌గా మారింది.

మంచు విష్ణు మనోజ్ ఇంటికి వెళ్లి తలుపులు కొట్టాడు. తన మనిషి అయిన సారథి అనే వ్యక్తిపై విష్ణు దాడి చేసేందుకు వచ్చినట్లుగా మనోజ్ తెలిపాడు. వీడియోలో “నా ఇష్టం.. వాడేదో అంటున్నాడు కదా..” అని విష్ణు అంటున్నాడు. మరోవైపు “ఇదండి అసలు విషయం.. ఇలా ఇంటికి వచ్చి మా వాళ్లను కొడుతుంటాడు” అని మనోజ్ చెప్పుకొచ్చాడు. అన్న విష్ణు తీరుపై మండిపడుతూ మనోజ్ ఓ వీడియోను సోషల్ మీడియాలో పోస్టు చేయడం కలకలం రేపింది. దీనిపై ఇప్పుడు టాలీవుడ్‌లో ఆస‌క్తిక‌ర చ‌ర్చ న‌డుస్తుంది. అస‌లు ఇద్ద‌రికి ఏమైంది అని ముచ్చ‌టిస్తున్న క్ర‌మంలో మంచు ల‌క్ష్మీ స్పందించింది.

ఇది అంద‌రి ఇళ్ల‌లో జ‌రిగే గొడ‌వే అని, దీనిని ఇంటి గొడ‌వ‌గానే ప‌రిగ‌ణించాలి. దీనిపై అన‌వ‌స‌ర రాద్దాంతం చేయాల్సిన ప‌నిలేదు. త్వ‌లోనే ఇద్ద‌రి మ‌ధ్య గొడ‌వ ప‌రిష్కారం అవుతుంద‌ని పేర్కొంది మంచు ల‌క్ష్మీ.ఇప్పటివరకు గుట్టుగా ఉన్న మంచు ఫ్యామిలీ విభేదాలు పబ్లిక్ లోకి వచ్చేశాయి.దీంతో కొడుకులపై మోహన్ బాబు సీరియస్ అయినట్లు తెలుస్తోంది. కుటుంబంలో జరిగే గొడవలను సోషల్ మీడియాలో పెట్టడంపై ఆగ్రహం వ్యక్తం చేశారని, ఫేస్ బుక్ పోస్ట్ ను డిలీట్ చేయాలని మంచు మనోజ్ ను ఆదేశించడంతో మ‌నోజ్ వెంట‌నే ఆ పోస్ట్ డిలీట్ చేశాడ‌ని చెప్పుకుంటున్నారు.