మెగాప్రిన్స్‌ వరుణ్ తేజ్, అందాల రాక్షసి లావణ్య త్రిపాఠీలు డేటింగ్‌లో ఉంటున్నారంటూ సోషల్ మీడియాలో కొన్నాళ్లుగా తెగ వార్త‌లు హ‌ల్‌చ‌ల్ చేస్తూనే ఉన్నాయి. త్వరలోనే వీరు పెళ్లి చేసుకోనున్నారంటూ సోషల్ మీడియాలో పెద్ద ఎత్తున ప్రచారం జరుగుతోంది. అయితే ఇంత జరుగుతున్నా అటు వరుణ్ కానీ, లావణ్య కానీ ఈ వార్తలపై ఒక్కసారి కూడా స్పందించక‌పోవ‌డం విశేషం. ఆ మధ్య లావణ్య, వరుణ్ తేజ్ కలిసి ఓ ప్రైవేట్ పార్టీలో పాల్గొనడంతో చర్చనీయాంశం అయ్యింది. కామన్ ఫ్రెండ్ బర్త్ డే పార్టీకి వీరిద్దరూ హాజ‌రు కాగా, ఈ ఇద్దరి మధ్య ఏదో న‌డుస్తుంద‌నే టాక్ న‌డిచింది.
వరుణ్ తేజ్ , లావణ్య గతంలో మిస్టర్, అంతరిక్షం చిత్రాల్లో కలిసి నటించారు. ఆ సమయంలోనే ఇద్దరి మధ్య ప్రేమ చిగురించిందనే వాదన అయితే ఉంది. తాజాగా లావణ్య త్రిపాఠి చేసిన కామెంట్స్ తో వీరిద్ద‌రి మధ్య రిలేష‌న్‌పై ఆస‌క్తిక‌ర చర్చ న‌డుస్తుంది.లావణ్యత్రిపాఠి తాజాగా `పులిమేక` అనే చిత్రంలో నటిస్తుండ‌గా, ఇందులో బిగ్‌ బాస్‌ సిరి కూడా ఇందులో యాక్ట్ చేసింది. ఈ టీమ్‌ సుమ యాంకర్‌గా చేస్తున్న `సుమా అడ్డా` షోలో పాల్గొన్నారు. వీరితో సుమ గేమ్‌లు ఆడిస్తూ, ప్రశ్నలు సందిస్తూ, ఆడియెన్స్ తో డైలాగులు చెప్పిస్తూ ఆద్యంతం నవ్వులు కూడా పూయించింది.
అనంతరం లావణ్య త్రిపాఠిని ప్రశ్నించింది యాంకర్‌ సుమ. మోస్ట్ హ్యాండ్సమ్‌ హీరో ఎవరని అడితే మీరు ఎవరి పేరు చెప్తారు అంటూ ఏ-నాని, బీ-వరుణ్ తేజ్ పేర్లు చెప్ప‌గా, దానికి లావణ్య త్రిపాఠి రియాక్ట్ అవుతూ, వరుణ్ తేజ్ పేరు చెప్పింది. వరుణ్ మోస్ట్ హ్యాండ్సమ్‌ హీరో అని ఆమె తన మనసులోని మాటని చెప్ప‌డంతో సుమతోపాటు కోనవెంకట్‌, సిరిలు కూడా అవాక్కయ్యారు. దీంతో అక్కడ ఉన్న ఆడియ‌న్స్ సైతం హో వేసుకున్నారు. ఇక సోషల్ మీడియాలో వరుణ్ తేజ్ పై లావ‌ణ్య‌కి అంత ప్రేమ ఉంది కాబ‌ట్టి ఆమె ఈ విష‌యాన్ని ఇలా తెలిపింద‌ని చ‌ర్చ‌లు జ‌రుపుతున్నారు. ఇందులో నిజానిజాలేంటనేది రానున్న రోజుల‌లో తేల‌నుంది.
