Krishna Vamsi : ర‌మ్య‌కృష్ణ‌ని ఆ రోజు అలా చూసి ఏడ్చేశా.. రోజంతా నిద్ర కూడా ప‌ట్ట‌లేద‌న్న కృష్ణ‌వంశీ..

Krishna Vamsi : కృష్ణ వంశీ.. తెలుగు సినిమా పరిశ్రమలో ఈ పేరుకి ప‌రిచ‌యాలు అక్క‌ర్లేదు. విభిన్న కథాంశాలతో సినిమాలు తెరకెక్కించి క్రియేటివ్ దర్శకుడిగా పేరు సంపాదించుకున్నారు. ఆయన దర్శకత్వంలో గులాబీ, సింధూరం, ఖ‌డ్గం, అంతఃపురం వంటి ఎన్నో సూప‌ర్ డూప‌ర్ హిట్ సినిమాలు తెరకెక్కాయి. అయితే కొన్నాళ్లుగా స‌రైన స‌క్సెస్ లేని కృష్ణ వంశీ చివరిగా నక్షత్రం అనే సినిమాతో ప్రేక్ష‌కుల ముందుకు వ‌చ్చాడు.ఈ మూవీ తర్వాత సుమారు ఐదేండ్లకు ‘రంగమర్తాండతో ప‌ల‌క‌రించ‌బోతున్నాడు. డిఫరెంట్ కాన్సెఫ్ట్‌ తో రూపొందిన ఈ సినిమాలో రమ్యకృష్ణ సైతం కీలక పాత్ర చేస్తున్నారు. త్వరలోనే ఈ చిత్రం విడుదలకు రెడీ అవుతుంది.

ఈ సినిమాలో రమ్య కృష్ణ పాత్ర గురించి మాట్లాడారు కృష్ణ వంశీ. ఈసినిమా కోసం ముందుగా రమ్య పాత్ర వేరేవాళ్ళను అనుకున్నా.. ఆమెకూడా కొన్ని పేర్లు చెప్పింది. కాని అది నువ్వే ఎందకు చేయకూడదు అంటూ.. రమ్యను రంగంలోకి దింపాము అన్నారు కృష్ణ వంశీ. ఈ సినిమాలో త‌న పాత్ర‌కు అన్నీ తానే చేసుకుంది. క‌ళ్ల‌తో ఆమె ప‌లికించిన హావ‌భావాలు చూసి కన్నీళ్లు వచ్చాయి. ఆ క్లైమాక్స్ సీన్ 36 గంటలు తీశాను.. అంతలా నటించి మెప్పించింది. అస‌లు రమ్య ప‌ర్‌ఫార్మెన్స్ గుర్తు తెచ్చుకుంటూ రోజంతా నిద్ర పోలేద‌ని అన్నారు ఈ క్రియేటివ్ డైరెక్ట‌ర్.

ఇక‌ ప్రకాశ్ రాజ్ గురించి ప్రత్యేకంగా చెప్పనక్కర్లేదు. ఏ భాష అయినా.. ఆ భాష నటుడికంటే కూడా ఎక్కువ పట్ట ఉంటుంది ప్రకాశ్ కు. అటు బ్రహ్మానందంగారు కూడా తినకుండా.. తన సీన్స్ అయ్యే వరకూ ఓపిగ్గా చేసేవారు. తన ఫెసియల్ ఎక్స్ ప్రెషన్స్ తో సీన్స్ పండించారు అన్నారు కృష్ణ‌వంశీ. ఈ మ‌ధ్య కృష్ణ వంశీ, ర‌మ్య‌కృష్ణ విడిపోయారంటూ చాలా వార్త‌లు వ‌చ్చాయి. అయితే కొడుకుతో కలిసి రమ్యకృష్ష చెన్నైలో ఉంటున్నారని, సినిమాల కోసం తాను హైదరాబాద్ లో ఉంటున్నట్లు వంశీ తెలిపారు. ఎప్పుడు ఖాళీ టైం దొరికినా తాను చెన్నైకి వెళ్తుంటానని చెప్పారు కృష్ణ‌వంశీ.