Niharika Konidela : ఇటీవ‌లి కాలంలో సెల‌బ్రిటీల విడాకులకి సంబంధించి త‌ర‌చూ వార్తలు వ‌స్తుండ‌డం మ‌నం చూస్తూనే ఉన్నాం. సమంత- నాగ చైతన్య జంట విడిపోయిన త‌ర్వాత చాలా మంది సెల‌బ్స్ కూడా బ్రేక‌ప్ చెప్పుకున్నారు. అయితే కొన్నాళ్లుగా నిహారిక- చైతన్య కూడా విడిపోతున్న‌ట్టు ప్ర‌చారాలు న‌డుస్తున్నాయి. మూడేళ్ల క్రితం ఈ ఇద్ద‌రు రాజస్థాన్‌లోని ఉదయ్ పూర్‌ ప్యాలెస్‌లో చాలా గ్రాండ్‌గా వివాహం చేసుకున్నారు.ఈ పెళ్లికి మెగా ఫ్యామిలీ అంతా హాజ‌రై సంద‌డి చేసింది. అయితే రీసెంట్‌గా నిహారిక, చైతన్య జొన్నలగడ్డ మధ్య మనస్పార్థాలు వచ్చాయని, దీంతో ఇద్దరి మధ్య దూరం పెరిగిందనే వార్త సోష‌ల్ మీడియాని షేక్ చేస్తుంది.
నిహారిక, చైతన్య ఇన్‌స్టాగ్రామ్‌లో ఒకరినొకరు అన్‌ఫాలో చేసుకున్నారు. మెగా ఫ్యామిలీలో అందరినీ ఫాలో అవుతున్న చైతన్య.. నిహారికను మాత్రం అన్‌ఫాలో చేయడం ఆశ్చర్యకరంగా మారింది. అంతేకాదు, తమ పెళ్లి ఫొటోలను సైతం చైతన్య ఇన్‌స్టాగ్రామ్ నుంచి డిలీట్ చేశారు. నిహారికతో దిగిన ఒక్క ఫొటో కూడా ఇప్పుడు చైతన్య ఇన్‌స్టాగ్రామ్ అకౌంట్‌లో లేదు. దీంతో నిహారిక, చైతన్య విడాకులు తీసుకోతున్నారనే వార్తలు మళ్లీ ఊపందుకున్నాయి. అయితే నిహారిక మాత్రం తమ పెళ్లి ఫోటోల‌ని సోష‌ల్ మీడియాలో అలానే ఉంచేసుకుంది.
ఇటీవ‌ల సెల‌బ్రిటీస్ సోష‌ల్ మీడియా ద్వారానే విడాకుల విష‌యంపై హింట్ ఇస్తున్నారు. ఇప్పుడు వీరు కూడా ఇలా హింట్ ఇచ్చి ఉంటార‌ని భావిస్తున్నారు. మ‌రి దీనిపై ఇప్పటివరకు అటు మెగా ఫ్యామిలీ కాని.. ఇటు జొన్నలగడ్డ ఫ్యామిలీ కాని అఫీషియల్ గా స్పందించలేదు . గతంలో నాగచైతన్య , సమంత ,ధనుష్ లాంటి వాళ్ళు సోష‌ల్ మీడియా ద్వారానే హింట్ ఇచ్చారు. నిజానికి నిహారిక, చైతన్యలది ప్రేమ వివాహం. 2020 డిసెంబర్ 9న రాజస్థాన్‌లోని ఉదయ్‌పూర్‌లో ఉన్న ఒబెరాయ్ ఉదయ్ విలాస్‌లో అంగరంగ వైభవంగా వీరి వివాహ వేడుక జరిగింది. వీరిని మెగా ఫ్యామిలీలోనే చూడచక్కనైన జంట అని అంతా అన్నారు. చైతన్యను అయితే మెగా అభిమానులు ‘బావ బావ’ అంటూ ఆకాశానికి కూడా ఎత్తేశారు.
