Karate Kalyani : కరాటే కళ్యాణి న‌టిగా, బిగ్ బాస్ కంటెస్టెంట్‌గా తెలుగు ప్రేక్ష‌కుల‌కి చాలా ద‌గ్గ‌రైంది. ‘కృష్ణ’ సినిమాలోని ‘బాబీ’ డైలాగ్ తో చాలా ఫేమ‌స్ అయింది కరాటే కళ్యాణి. ఇటీవ‌ల ఓ ఛానెల్‌కి ఇంట‌ర్వ్యూ ఇచ్చిన కరాటే కళ్యాణి తన జీవితంలో జ‌రిగిన విషాదాలు చెప్పుకొచ్చింది. తన భ‌ర్త శాడిస్ట్ అని, చిత్ర హింస‌లు పెట్టాడ‌ని కూడా చెప్పింది. ఇక సినిమాల్లో చేసిన కొన్ని సన్నివేశాలను ప్రస్తావిస్తూ చాలా మంది చులకనగా చూస్తారు. నా క్యారెక్టర్ మీద కూడా కామెంట్లు చేస్తారు. అయితే, బతకడం కోసం అలాంటి క్యారెక్టర్లు సినిమాల్లో చేశాను తప్ప.. తనది అలాంటి క్యారెక్టర్ కాదని చెప్పింది కళ్యాణి.
పెళ్లి త‌ర్వాత నా జీవితంలో చాలా ఇబ్బందులు ప‌డ్డాను. ద్రౌప‌ది వ‌స్త్రాప‌హ‌ర‌ణం కూడా జ‌రిగింది. నేను పెళ్లిచేసుకున్న వ్యక్తి తాగి బేగంపేటలో రోడ్డుపై నా పైట లాగాడు. కొట్లాటలు, తాగి నన్ను కొట్టడం.. ఇవన్నీ చూశాక పెళ్లి నాకు అవసరం లేదు అనిపించింది. భర్తను గౌరవించాలి కాబ‌ట్టి అత‌న్ని బ‌రించాను. రాత్రి 2 గంటలకు తాగేసి వచ్చి వండి పెట్టమన్నా పెట్టేదాన్ని. అవ‌న్నీ చూసి పెళ్లి మీద విసుగు వ‌చ్చింది. అయితే మంచి వ్యక్తి దొరికితే రెండో పెళ్లి చేసుకుంటాన‌ని చెప్పుకొచ్చింది కరాటే కళ్యాణి. తండ్రి చనిపోయిన తరవాత తల్లి, చిన్న తమ్ముడితో తాను ఉంటున్నానని.. అయితే, తన తల్లి అనారోగ్యంతో ఆసుపత్రిలో చేరితే తాను ఇంట్లో ఒంటరిగా ఉండలేకపోయానని చెప్పారు.
నన్ను చాలా మంది చాలా మాటలు అన్నారు. కాని నేను ఎంత క‌ష్ట‌ప‌డి వ‌చ్చానో ఎవ‌రికి తెలియ‌దు. బ‌య‌టి వారు ఒక వ్యభిచారిని అన్నట్టు మాట్లాడతారు. ఏరోజూ నేను అలాంటి పనులు చేయలేదు. నీచమైన మాటలు మాట్లాడితే నాకు లోపల నుంచి ఏడుపు వచ్చేస్తుంది. నన్ను చూసి భయపడేవాళ్లే తప్ప నన్ను అర్థం చేసుకునేవాళ్లు లేరు. సెలబ్రిటీగా ఎంత పేరొస్తే అంతలా నెగిటివిటీ, ట్రోలింగ్స్ కూడా పెరుగుతుంది. ఒక్కోసారి మా అమ్మానాన్నను తిడతారు. నాకు చాలా బాధేస్తుంది. మనం ఉన్న సొసైటీ అలా ఉంది అని కళ్యాణి ఎమోషనల్ అయ్యారు. ఆమె చెప్పిన మాటలు విని ప్ర‌తి ఒక్క‌రు భావోద్వేగానికి గుర‌వుతున్నారు.
