Ashu Reddy : జూనియ‌ర్ స‌మంత‌గా పేరు ప్ర‌ఖ్యాత‌లు అందుకొని ఆ త‌ర్వాత తన హాట్ నెస్‌తో నిత్యం వార్త‌ల‌లో నిలుస్తూ ఉంటుంది అషూ రెడ్డి. సోష‌ల్ మీడియాలో ఈ అమ్మ‌డు చేసే ర‌చ్చ పీక్స్ లో ఉంటుంది. కేక పెట్టించే అందాల‌తో కుర్రాళ్ల మ‌న‌సులు కొల్ల‌గొడుతుంటుంది. రామ్ గోపాల్ వ‌ర్మతో ఇటీవ‌ల ఈ అమ్మ‌డు చేసిన ర‌చ్చ చూసి ప్ర‌తి ఒక్క‌రికి ఆమెపై నెగెటివిటీ ఏర్ప‌డింది. కాని తాజాగా అషూ చేసిన మంచి ప‌నుల గురించి తెలుసుకొని వారే పొగ‌డ్త‌లు కురిపిస్తున్నారు. అస‌లు అషూ రెడ్డిలోని ఇంకో యాంగిల్‌ను ఎవ్వరూ గుర్తించలేకపోయారు. తాజాగా ఆమె చేసిన పోస్ట్ చూసిన నెటిజన్లు ఒక్కసారిగా ఎమోషనల్ అవుతున్నారు.
అషూ రెడ్డిని తప్పుగా అనుకున్నాం.. నీలో ఇంత మంచితనం ఉందా? నీ నుంచి ఇలాంటివి ఎక్స్‌పెక్ట్ చేయలేదు అంటూ నెటిజన్లు ఆమెకు సలాం కొట్టేస్తున్నారు. అషూరెడ్డి తన సంపాదనలో కొత్త మొత్తాన్ని సేవా కార్యక్రమాలకు వాడుతున్నారు. అనాథ పిల్లలను ఆమె చదివిస్తున్నారు. హెల్పింగ్ హ్యాండ్ హ్యూమనిటీ మిషన్ ద్వారా చదువుకుంటోన్న పిల్లలకు అషూరెడ్డి విద్యాదానం చేస్తుండ‌గా, ఆ పిల్లలందరితో ఆమె ఆదివారం క్రిస్మస్ వేడుకలు జరుపుకుంది.ఇదే విషయాన్ని అషూరెడ్డి తన ఇన్‌స్టాగ్రామ్‌లో పేర్కొన్నారు. పిల్లలతో దిగిన ఫొటోలు, భావోద్వేగ క్షణాలను కూడా పోస్ట్ చేసింది.
గత కొన్నేళ్లుగా దేవుడు నాకు బహుమతిగా ఇచ్చిన పిల్లలను చదివిస్తూ, వారి బాధ్యతను తీసుకున్నాను. ముఖ్యంగా నేను చదివిస్తున్న పిల్లల్లో కళ్యాణి, శ్రేయ బీటెక్, డిగ్రీ పూర్తిచేయడం చాలా సంతోషంగా ఉంది. వారికి నా అభినందనలు. నా జీవితంలో మీరంతా ఉండటం ఎంతో అదృష్టంగా భావిస్తున్నాను. మీ అందరి ప్రేమను పొందడానికి నేను ఏం చేశానో నాకు తెలీదు కాని నేను ఒక్కటే చెప్పాలనుకుంటున్నా.. మీరు ఎవరికైనా సాయం చేయాలని అనుకుంటే అది కచ్చితంగా మీరు చేయగలుగుతారు. ఇతరులకు సాయం చేయడానికి దేవుడు మీకొక మార్గాన్ని చూపిస్తాడు. నాకు ఇలా అవకాశం ఇచ్చినందుకు ధన్యవాదాలు’’ అని అషూ రెడ్డి తన ఇన్‌స్టాగ్రామ్ పోస్ట్‌లో పేర్కొంది. ఈ విష‌యం తెలుసుకొని ఆమెపై ప్ర‌శంస‌ల జ‌ల్లు కురిపిస్తున్నారు.
