Jayaprakash Narayanan : ఓటు వారికే వేసి సీఎంని చేయ‌డంటూ జయ‌ప్ర‌కాశ్ నారాయ‌ణ్ రిక్వెస్ట్

Jayaprakash Narayanan :  తెలంగాణ‌లో ఎన్నిక‌ల ప్రచారం ముగిసింది. ఇక రేపు పోలింగ్ జ‌ర‌గ‌నుంది. అయితే పోలింగ్ సంద‌ర్బంగా మేధావులు, బుద్ది జీవులు, ప్ర‌జాస్వామిక వాదులు ఓటు హ‌క్కు వినియోగించుకోవాల‌ని పెద్ద ఎత్తున ఓట‌ర్ల‌ను కోరుతున్నారు. ప‌ని చేసే వాళ్ల‌కు, అభివృద్దిని చూసి విలువైన ఓటు వేయాల‌ని పిలుపునిచ్చారు లోక్ స‌త్తా పార్టీ క‌న్వీన‌ర్ జ‌య‌ప్ర‌కాశ్ నారాయ‌ణ్. ఎలాంటి వారిని ఎన్నుకోవాలి.. ఎలాంటి పార్టీని గెలిపించాలన్న విలువైన విషయాలను జయప్రకాశ్ నారాయణ్ వివరించారు. ఓటన్నది కేవలం కోపంతోనో, కసితోనో వేసేది కాదని.. డబ్బు ప్రలోభంతోనో.. రేపు ఏదో ఇస్తాడన్న ఆశతోనో వేసేది అంతకన్నా కాదని చెప్పుకొచ్చారు జేపీ. ఓటనేది మన భవిష్యత్తును నిర్ణయించేదని.. రేపు ఏం జరగనుందని ఆలోచించి తీసుకోవాల్సిన అత్యంత విలువైన నిర్ణయమని వివరించారు.

డబ్బులతో ఓట్లు కొనటం అందరూ చేసే ప‌ని అన్న జ‌య‌ప్ర‌కాశ్‌ ఈ పార్టీ ఆ పార్టీ అని కాకుండా అన్ని పార్టీలు అదే పని చేస్తున్నారని.. బడితే ఉన్నవాడితే బర్రె అయిపోయిందని జేపీ అభిప్రాయపడ్డారు. అధికార దుర్వినియోగం జరుగుతోందని.. అవినీతి జరుగుతోందని తెలిపారు. అధికారమంతా కేంద్రీకరించి చేతుల్లో పెట్టుకుంటున్నారన్నారు. ఇలాంటి సమయంలో.. ఒకే ఒక ఆశాకిరణం కనబడుతోందని జేపీ తెలిపారు. మౌలిక సదుపాయలు, పెట్టుబడులు, పారిశ్రామికీకరణ, ఉద్యోగాల కల్పన, ఆదాయ పెంపులాంటి అంశాలతో ఆర్థిక ప్రగతిని పెంపొందించాలని తెలిపారు. అయితే.. ఎవరు దీనికి దోహదం చేస్తున్నారని ఆలోచించాలని జేపీ తెలిపారు.

డబ్బంతా కేవలం తాత్కాలిక అవసరాలకే ఖర్చు పెట్టి.. రేపు ఏమీ లేకుండా చేసేవాళ్లు భ‌విష్య‌త్‌కి పెద్ద ప్ర‌మాదం అవుతారు. ఎవరివల్ల ఉద్యోగాలు వస్తాయి.. పెట్టుబడులు పెరుగుతాయి.. మౌలిక సదుపాయాలు మెరుగుపడుతాయని ఆలోచించి వేటు వేయాల‌ని అయ‌న అన్నారు. ఎన్నికల పర్వం ముగిసిపోగానే పనైపోలేదని.. ఎవరు వచ్చినా ఆర్థిక ప్రగతి చేపట్టే అంశంపై దృష్టి పెట్టేలా చేయాలన్నారు. అంతేకానీ.. కేవలం తాత్కాలికంగా తాయిలాలు ఇచ్చేవారికి ఓటు వేయొద్దని చెప్పారు. ఎవరు అధికారంలోకి వచ్చినా హుందాగా స్వీకరించాలని.. వచ్చిన వారిని జవాబుదారిగా పనిచేసేలా చేసేందుకు యువత నడుం బిగించాలని జేపీ తెలిపారు.