Gold Loan : బంగారం దాచి లోన్ తీసుకోవాలుకుంటున్నారా.. అయితే ఈ శుభ‌వార్త వినాల్సిందే..!

Gold Loan : గోల్డ్ లోన్ తీసుకోవాల‌ని ఎవ‌రైన అనుకుంటున్నారా అయితే మీకు ఆర్బీఐ కొత్త శుభవార్త అందించింది. మీ దగ్గర మొత్తం గోల్డ్ పై అధికమొత్తంలో లోన్ తీసుకొనే వెసులుబాటు ఉంది. ఎందుకంటే ఆర్బీఐ కొన్ని బ్యాంకులకు పరిమితి కంటే అధిక లోన్ ఇచ్చే అవకాశాన్ని కల్పించ‌గా, ఆ వివ‌రాలేంటో ఇప్పుడు చూద్దాం. దేశ వ్యాప్తంగా గోల్డ్ లోన్ తీసుకోవాలనుకునే వారికి ఆర్బీఐ గుడ్ న్యూస్ చెప్పింది. ప్రత్యేక స్కీమ్ ను తీసుకొచ్చింది. ఈ స్కీమ పేరు బుల్లెట్ రీపేమెంట్ స్కీమ్. దీని ద్వారా అర్బన్ కో ఆపరేటివ్ బ్యాంకు(యూసీబీ)ల్లో గోల్డ్ లోన్ పరిమితిని రెండు లక్షల రూపాయల నుంచి 4 లక్షల వరకూ పెంచింది. ఈ నిర్ణయం దేశ వ్యాప్తంగా ఉన్న అన్ని అర్బన్ కో ఆపరేటిడ్ బ్యాంకుల్లోని కస్టమర్లకు ప్రయోజనకరంగా మారే అవకాశం ఉంది.

ఈ బుల్లెట్ రీపేమెంట్ స్కీమ్ కింద, యూసీబీలు ఇప్పుడు బంగారం తాకట్టుపై వినియోగదారులకు రూ.4 లక్షల వరకు రుణం ఇవ్వవచ్చు. వినియోగదారులు రుణాన్ని 12 నెలల్లోపు పూర్తిగా చెల్లించాల్సి ఉంటుంది. ఈ చర్య యూసీబీలకు, వారి కస్టమర్లకు ప్రయోజనం చేకూర్చే అవకాశం ఉంది. యూసీబీలు తమ లెండింగ్ పోర్ట్‌ఫోలియోను పెంచుకోగలుగుతాయి. మరింత ఆదాయాన్ని ఆర్జించగలుగుతాయి, అలాగే కస్టమర్‌లు తక్కువ వడ్డీ రేట్లలో పెద్ద బంగారు రుణాలను పొందగలుగుతారు. ఆర్‌బీఐ నిర్ణయం కూడా ఆర్థిక చేరికను ప్రోత్సహించడానికి, రుణగ్రహీతలకు బంగారు రుణాలను మరింత అందుబాటులోకి తెచ్చే ప్రయత్నాలకు అనుగుణంగా ఉంది.

ఈ బుల్లెట్ పథకం గురించి ప్రకటిస్తూ ఆర్బీఐ గవర్నర్ దాస్ మాట్లాడుతూ అర్బన్ ఓ ఆపరేటివ్ బ్యాంకులు తమ లక్ష్యాలను అధిగమించాయని పేర్కోన్నారు. మార్చి 31, 2023 నాటికి పబ్లిక్ సెక్టార్ లెండింగ్ లక్ష్యాన్ని అధిగమించినట్లు ఆయ‌న చెప్పుకొచ్చారు.. అందుకే బుల్లెట్ రీపేమెంట్ పథకం కింద బంగారు రుణాల కోసం అందించే బంగారు రుణ పరిమితిని రూ. 2 లక్షల నుంచి రూ. 4లక్షలకు పెంచుతున్నట్లు ప్రకటించారు. తద్వారా యూసీబీలకు ఇచ్చిన హామీని తాము నిలబెట్టుకున్నట్లు చెప్పారు. బ్యాంక్ లోన్‌లు లేదా పర్సనల్ లోన్‌లు వంటి ఇతర రకాల క్రెడిట్‌లకు యాక్సెస్ లేని వ్యక్తులకు గోల్డ్ లోన్‌లు ఒక మంచి ఆప్షన్. బంగారు రుణాలు సాపేక్షంగా తక్కువ-ధరతో కూడిన రుణాలు, ఎందుకంటే వడ్డీ రేట్లు సాధారణంగా ఇతర రకాల రుణాలపై వసూలు చేసే వాటి కంటే తక్కువగా ఉంటాయి.