Jayam Yamini : విలక్షణ దర్శకుడు తెరకెక్కించిన అద్భుతమైన ప్రేమకావ్యం జయం. ఇందులోని ప్రతి పాత్రను ఎంతో ప్రత్యేకంగా మలిచాడు డైరెక్టర్‌. ఈ మూవీలో పక్కింటి అమ్మాయిలా కనిపించే సదా లుక్స్, గోపీచంద్ విలనిజం, ఆర్పీ పట్నాయక్ సంగీతంలో రూపొందిన పాటలు అన్నీ హైలెట్టే! ముఖ్యంగా అక్షరాలను తిప్పిరాసే హీరోయిన్‌ చెల్లెలి పాత్ర అందరినీ ఆకర్షించింది. తన అక్క ప్రేమ గెలవాలని ఈ పాప చేసే ప్రయత్నాలు అన్నీ ఇన్నీ కాదు. ముఖ్యంగా అక్షరాలను తిరగేసి రాస్తూ అందరినీ కన్ఫ్యూజ్ చేస్తుంటుంది.
ఈ పాత్రకి గాను ఆ పాపకి నంది అవార్డు లభించింది. ఆ పాప పేరు.. యామిని శ్వేత. ఈమె ప్రముఖ సీరియల్‌ ఆర్టిస్ట్‌ జయలక్ష్మి కూతురు అన్న సంగతి బహుశా చాలామందికి తెలిసుండదు. జయం చిత్రం కంటే ముందు యామిని కొన్ని సీరియల్స్‌ లో నటించింది. ఆ తర్వాత ఉన్నత విద్య కోసం విదేశాలకు వెళ్లిన ఆమె అక్కడ చదువు పూర్తయ్యాక కొన్నాళ్ళు ఉద్యోగం కూడా చేసింది. అనంతరం పెళ్లి చేసుకుని అక్కడే సెటిల్ అయ్యింది. ఇటీవలే యామిని తన స్వస్థలం అయిన విజయవాడకు వచ్చినట్టు సమాచారం. ప్రస్తుతం ఫ్యామిలీ లైఫ్ ను ఎంజాయ్ చేస్తున్న ఆమెకి ఓ పాప కూడా ఉంది.
తాజాగా యామినికి సంబంధించిన లేటెస్ట్ పిక్స్ నెట్టింట వైరల్ అవుతున్నాయి. ఇప్పుడు యామిని అందాన్ని చూసి ప్రతి ఒక్క‌రు ఫిదా అవుతున్నారు. అయితే ఇప్పుడు యామిని శ్వేత సినిమాల్లోనే నటిస్తే బాగుంటుందని ఆమె అభిమానులు సోషల్ మీడియా వేదికగా కోరుతున్నారు. అయితే యామిని తల్లీ జయలక్ష్మి ఫిల్మ్ ఇండస్ట్రీలో నిలదొక్కుకోవడానికి చాలా కష్టపడ్డారట. ఆ కష్టం తన కూతురికి రావద్దంటున్నారు. నా కూతురిని బాల నటిగా చూడాలన్న కోరిక తీరిందన్నారు. ఆ తర్వాత ఎన్నో అవకాశాలు వచ్చినా సున్నితంగా తిరస్కరించినట్టు ఆవిడ ఓ ఇంటర్వ్యూలో చెప్పుకొచ్చారు.
