Poorna Husband Gifts : మ‌ల‌యాళ న‌టి పూర్ణ గురించి ప్ర‌త్యేక ప‌రిచ‌యాలు అక్క‌ర్లేదు. పూర్ణ‌గా మ‌నంద‌ర‌కి సుప‌రిచితం అయిన ఆమె అసలు పేరు షమ్న ఖాసిమ్‌. తెలుగులో ‘శ్రీ మహాలక్ష్మి’, ‘అవును’, సీమ టపాకాయ్‌’, ‘అఖండ’ వంటి చిత్రాల్లో నటించి తెలుగు ప్రేక్షకుల్ని మెప్పించారు. కేవలం వెండితెరపైనే కాదు.. బుల్లితెరపై కూడా పలు షోలకు న్యాయనిర్ణేతగా వ్యవహరిస్తున్నారు. ఈ అమ్మ‌డు సైలెంట్‌గా దుబాయ్‌కి చెందిన వ్యాపారవేత్త షనీద్‌ అసిఫ్‌ ఆలీని వివాహం చేసుకుంది .పెళ్లి తర్వాత రిసెప్షన్ కూడా జ‌రుపుకుంది.
పెళ్లి తర్వాత పూర్ణ‌కి ఆమె భర్త నుండి 30 కోట్ల రూపాయ‌లు బ‌హుమ‌తులుగా అందుకున్న‌ట్టు తెలుస్తుంది. పూర్ణకు ఆమె భర్త ఏకంగా 2,700 గ్రాముల బంగారాన్ని బహుమతిగా ఇచ్చాడట, దాని ధర సుమారు రూ. 1.30 కోట్లుగా ఉంటుందని, అంతేకాక ఆమెకు బంగ్లా మరియు ఖరీదైన కారును కూడా బహుమతిగా ఇచ్చాడట. ఒక్క బంగ్లాకే దాదాపు రూ.25 కోట్లు వ‌ర‌కు ఉంటుంద‌ట. మొత్తం బహుమతులన్నింటి విలువ కలిపి దాదాపు రూ.30 కోట్లు ఉంటుందని అంచనా. ఇది విని అంద‌రు అవాక్క‌వుతున్నారు. ఇక సన్నిహితులు, బంధువుల దగ్గర నుంచి లభించిన కానుకల విలువ మొత్తం కలిపి సుమారుగా రూ. 40 కోట్లకు పైగా ఈమెకు అందినట్లు సమాచారం.
రవి బాబు దర్శకత్వంలో తెరకెక్కిన “అవును, అవును 2” సినిమాల ద్వారా పూర్ణ మరింతగా ప్రేక్షకులను మెప్పించిందని చెప్పవచ్చు. ఆ తర్వాత హీరోయిన్ గా అవకాశాలు తగ్గిపోవడంతో క్యారెక్టర్ ఆర్టిస్ట్ గా స్థిరపడింది. అలా సిల్లీ ఫెలోస్, అఖండ , దృశ్యం 2 వంటి చిత్రాలలో నటించి మెప్పించింది పూర్ణ. పూర్ణ భర్త ప్రముఖ జెబిఎస్ గ్రూప్ కంపెనీ ఫౌండర్ కాగా, ఆయ‌న‌కు ఆస్తులు భారీగానే ఉన్న‌ట్టు తెలుస్తుంది. త్వ‌ర‌లో పూర్ణ నిర్మాత‌గాను త‌న అదృష్టం ప‌రీక్షించుకోనుంద‌ట. దుబాయ్ లోని ఫ్యామిలీ మెంబర్స్ మధ్య పూర్ణ పెళ్లి జరగడం గమనార్హం.ముస్లిం సాంప్రదాయ విధానంలో పూర్ణ పెళ్లి జరిగిందని తెలుస్తోంది.పూర్ణ కలకాలం అన్యోన్యంగా జీవనం సాగించాలని ఆమె అభిమానులు నూత‌న దంప‌తుల‌కి ఆశీర్వ‌చ‌నాలు అందించారు.
