Jabardasth Pavitra : బుల్లితెర కామెడీ షో జబర్దస్త్ ఎందరో నటీనటులను వెలుగులోకి తెచ్చిన విష‌యం తెలిసిందే.. పురుషులతో పాటు అమ్మాయిలు కూడా ఈ బుల్లితెర షోతో మంచి గుర్తింపు తెచ్చుకున్నారు. సినిమాల‌లో కూడా న‌టిస్తున్నారు. అయితే జబర్దస్త్ ద్వారా మంచి గుర్తింపు తెచ్చుకున్న వాళ్లలో పాగల్‌ పవిత్ర కూడా ఒకరు. మొదట టిక్‌టాక్‌ వీడియోలు చేసుకునే ఆమె జబర్దస్త్‌లోకి వచ్చాక బాగా పాపులరైంది. తన అద్భుతమైన కామెడీ పంచులు, డైలాగులతో ఆకట్టుకున్న ఈ అమ్మ‌డు. బుల్లెట్‌ భాస్కర్, హైపర్ ఆది, మంకీ వెంకీ, రాఘవ టీమ్స్‌ లో కనిపిస్తూ నవ్వుల పువ్వులు పూయిస్తుంది. శ్రీదేవి డ్రామా కంపెనీలో కూడా తెగ సంద‌డి చేస్తుంది.
జబర్ధస్త్ షో లో తన కామెడీ టైమింగ్ తో అలరిస్తుంది పవిత్ర. చూసేందుకు హైట్ కాస్త త‌క్కువ‌గా ఉన్నా ఆమె వేసే పంచ్ లు బాగా పేలుతున్నాయి. ప్రేక్షకులకు కూడా ఆమె పర్ ఫామెన్స్ విపరీతంగా నచ్చడంతో ఆమె పలు సీరియల్స్ లో కూడా నటించే అవకాశం కొట్టేసింది. కామెడీ షోల్లో ఎప్పుడూ నవ్వుతూ కనిపించే ఈ అమ్మాయి రియ‌ల్‌ లైఫ్‌లో ఎవరికీ కనిపించని కన్నీటి గాథలున్నాయి. కొన్నేళ్ల క్రితమే తండ్రి కన్నుమూయ‌గా, తల్లి ఊళ్లోనే ఉంటోంది. తనకు ఉన్న బ్యూటీ సెలూన్ ను అమ్మేసి ఇటీవలే ఓ ఇంటిని కొనుగోలు చేసిన పవిత్ర తన ఇల్లు వాస్తుకు లేకపోవడంతో కొన్ని మరమ్మతులు కూడా చేయించింది.
పవిత్ర త్వ‌ర‌లో పెళ్లి పీట‌లు ఎక్క‌బోతుంద‌ని వార్త‌లు షికారు చేస్తున్నాయి. పవిత్ర..తేజని పెళ్లి చేసుకోనున్నార‌ని తెలుస్తుంగా, ఇదేంటి వీరిద్దరూ పెళ్లి చేసుకోవడం ఏంటి.. కనీసం ప్రేమలో ఉన్నట్లు ఎప్పుడు చెప్పలేదు కదా అంటూ నెటిజ‌న్స్ ఆశ్చ‌ర్యం వ్య‌క్తం చేస్తున్నారు. తాజాగా మా పెళ్లి షాపింగ్ పేరుతో వీడియో షేర్ చేసింది పవిత్ర. దీనిలో ఆమెతో పాటు తేజ కూడా ఉండటంతో.. వీరిద్దరూ పెళ్లి చేసుకోబోతున్నారేమో అనుకున్నారు నెటిజనులు. ‘‘మాకు పెళ్లి కుదిరింది. అందుకే పెళ్లి చీరలు కోసం షాపింగ్ చేయడానికి వచ్చాం’’ అంటూ వీడియోని ప్రారంభిస్తూ తెగ కామెడీ చేశారు.
