జ‌యం షూటింగ్‌.. స‌దాను తేజ కొడితే.. నితిన్ ఏం చేశాడో తెలుసా..?

ఎటువంటి సినిమా ప్రయత్నాలు చేయకుండానే డైరెక్టర్ తేజ రూపంలో  జయం సినిమా అవకాశాన్ని దక్కించుకొని హీరోగా వెండితెర పైకి అడుగు పెట్టాడు నితిన్. హీరోగా ఈజీగానే ఇండస్ట్రీలో అడుగుపెట్టినా.. జయం చిత్రం మొదలుకొని ఇటీవల విడుదలైన మాచర్ల నియోజకవర్గం చిత్రం వరకు ఎన్నో ఆటుపోట్లు ఎదుర్కొని హీరోగా తనకంటూ ఒక సెపరేట్ ట్రెండ్ ని సెట్ చేసుకున్నాడు.  చిత్రం మూవీస్ బ్యాన‌ర్ పై అప్ప‌ట్లో ఫుల్ ఫామ్‌లో ఉన్న తేజ  ద‌ర్శ‌క‌త్వంలో జయం సినిమా తెర‌కెక్కింది.  చిత్రం, నువ్వు నేను వంటి సూపర్ హిట్ చిత్రాలను అందించి యూత్లో మంచి క్రేజ్ సంపాదించుకున్నాడు దర్శకుడు తేజ.

2002 జూన్ 14న విడుద‌లైన జయం సినిమా  రూ.2కోట్లు బడ్జెట్ తో  నిర్మించగా బాక్స్ ఆఫీస్ వద్ద ఘనవిజయాన్ని అందుకొని  రూ.10 కోట్లకు పైగానే వ‌సూలు చేసింది. ఈ చిత్రంలో రాళ్లపల్లి, ధర్మవరపు సుబ్రహ్మణ్యం, షకీలా, ఢిల్లీ రాజేశ్వరి, సుప్రీత్ రెడ్డి, సుమన్ శెట్టి, బేబీ శ్వేత ప్రధాన తారాగణంగా నటించారు. సినిమాకు గాను బెస్ట్ విల‌న్‌గా గోపిచంద్‌, బెస్ట్ మేల్ క‌మెడీయ‌న్‌గా సుమ‌న్ శెట్టి, బెస్ట్ చైల్డ్ ఆర్టిస్ట్‌గా శ్వేత‌, వెళ్ల‌వ‌య్యా వెళ్లు అంటూ హీరోయిన్‌కు డ‌బ్బింగ్ చెప్పిన సింగ‌ర్ సునిత ఇలా మొత్తం నాలుగు అవార్డులను  కైవ‌సం చేసుకుంది.

ఇక ఈ సినిమా షూటింగ్ స‌మ‌యంలో స‌దా ప‌దే ప‌దే టేకులు తీసుకోవ‌డంతో  తేజకు కోపం వచ్చి ఆమెను కొట్టిన‌ట్టు అప్పటిలో వార్తలు విస్తృతంగా ప్రచారం అయ్యాయి. అప్పట్లో ఈ విషయం చాలా పెద్ద దుమారం రేపింది . తేజ త‌న సినిమాలో పనిచేసే హీరోయిన్స్ పై ఎక్కువగా చేయి చేసుకుంటాడ‌న్న ప్ర‌చారం జ‌రిగింది. ఈ వార్తపై డైరెక్టర్ తేజ కూడా స్పందించి  తాను కావాల‌ని కొట్ట‌ను అని.. న‌ట‌న‌లో భాగంగా ఒక్కోసారి అలా జ‌రుగుతుంద‌ని తేజ  వివ‌ర‌ణ ఇచ్చుకోవాల్సి వ‌చ్చింది.

జ‌యం సినిమాలో తేజ చేయి చేసుకోవ‌డంతో హీరోయిన్ స‌దా భోరున విల‌పిస్తే అప్పుడు హీరో నితిన్ ఆమెను ఓదార్చ‌డంతో పాటు తేజపై ఫైర్ అయ్యి షూటింగ్‌కు కూడా రాన‌ని తేల్చిచెప్పాడ‌న్న టాక్ కూడా అప్పటిలో బ‌య‌ట‌కొచ్చింది. షూటింగ్ పూర్త‌యిన త‌రువాత కూడా పాట‌లు ఎక్కువ‌గా ఉన్నాయ‌ని.. ర‌న్ టైమ్ ఎక్కువ‌గా ఉంద‌నే విష‌యంలో ద‌ర్శ‌కుడు తేజ‌కు, హీరో నితిన్ తండ్రి సుధాక‌ర్ రెడ్డికి కూడా వాదోప‌వాదాలే జ‌రిగాయాట. నితిన్ తొలి సినిమా విడుద‌ల‌కు ముందే వివాదాల‌తో థియేట‌ర్ల‌లోకి వ‌చ్చింది. అలా వచ్చిన జయం బ్లాక్‌బాస్ట‌ర్ టాక్‌తో నితిన్ కెరీర్‌లో ఓ మైలు రాయిగా నిలిచిపోయింది.