Ileana : ఇలియానా.. ఈ ముద్దుగుమ్మ గురించి కొత్తగా పరిచయ వ్యాఖ్యలు అవసరం లేదు. హీరోయిన్‌గా ఎంట్రీ ఇచ్చి 16 యేళ్లు అవుతున్న ఇప్పటికీ అదే ఫిగర్ మెయింటెన్ చేస్తూ రచ్చ చేస్తోంది. ‘దేవదాసు’ సినిమాతో తెలుగు ఇండస్ట్రీలో అడుగుపెట్టిన గోవా ముద్దుగుమ్మకి ఆ సినిమా మంచి విజయం అందుకోవడంతో ఆ తర్వాత మహేష్, పూరి కాంబినేషన్‌లో వచ్చిన ‘పోకిరి’లో నటించి స్టార్ హీరోయిన్‌గా మారింది. ఇక అక్కడ నుండి వెన‌క్కి తిరిగి చూసుకోలేదు.తన అందచందాలతో తెలుగు ఇండస్ట్రీని కొన్నాళ్ళు ఓ ఊపు ఊపింది.
స్టార్ హీరోల అంద‌రి స‌ర‌స‌న న‌టించిన స‌త్తా చాటిన ఈ భామ‌కి హిందీలోను చాలానే అవకాశాలు వ‌చ్చాయి.. ఇటు తెలుగులో నటిస్తూనే.. హిందీ సినిమాలపై కన్నేసిన ఇలియానా అక్కడ కూడా నానా రచ్చ చేసింది. ఆ తర్వాత అక్కడ అవకాశాలు రాకపోవడంతో .. అప్పట్లో రవితేజ హీరోగా తెరకెక్కిన ‘అమర్ అక్బర్ ఆంటోని’ మూవీతో తెలుగులోకి రీ ఎంట్రీ ఇచ్చింది. ఈ సినిమాలో ఇలియానా ఫిజిక్ చూసి అందరు అవాక్కయ్యారు. దాంతో ఇలియానా జిమ్‌లో వర్కౌట్స్ చేస్తూ మునుపటి ఇలియానాల సన్నజాజీలా తయారై.. నాజూగ్గా రెడీ అయింది.
ప్రస్తుతం బాలీవుడ్‌లో, టాలీవుడ్ లో కూడా అవకాశాలు కూడా ఎక్కువ రావ‌డం లేదు. ఇలాంటి తరుణంలో తన కెరీర్ కోసం ఇలియానా ఫేమస్ సింగర్ సాయం తీసుకుంటోంది. మ్యూజిక్ వీడియోలు రూపొందించే గోల్డకార్ట్జ్ ద్వయం మంజిత్ సింగ్, సుఖ్ జీత్ సింగ్ రూపొందించే సాంగ్ లో ఇలియానా తన అందాలు ఒలకబోయనుంది. సబ్ గజాబ్ అనే సాంగ్ టైటిల్ రివీల్ చేస్తూ ఇలియానా లుక్ ని కూడా విడుదల చేయ‌గా, ఇందులో ఇలియ‌నా లుక్ మ‌తి పోగొట్టేలా ఉంది.. ఈ పిక్ లో ఇలియానా సొగసుకి నెటిజన్లు మైమరచిపోతున్నారు.
