మన వ్యక్తిత్వాన్ని మనలోని కొన్ని శరీర భాగాలు తెలియజేస్తాయి. ఎంతలా అంటే మన గురించి మనకు ఏమి తెలియనంతగా వ్యక్తం చేస్తాయి. శరీర భాగాలలో మన వ్యక్తిత్వాన్ని ముందుగా తెలియజేసేవి పాదాలు. అది ఎలా అని ఆలోచిస్తున్నారా.. ఇప్పుడు ఆ విషయానే మనం తెలుసుకోబోతున్నాం.. గ్రీకు సంప్రదాయం ప్రకారం పాదం ఆకారాన్ని బట్టి ఒక వ్యక్తి ఎలాంటి వ్యక్తిత్వం కలిగి ఉంటాడనే విషయం తెలియజేయవచ్చు. ఏ ఒక్క మనిషి కూడా పాదాలు, వేళ్ళు ఒకే రకంగా ఉండవు. పాదం ఆకారం బట్టి ఒక వ్యక్తి వ్యక్తిత్వం ఎలా ఉంటుందో అనే విషయాన్ని ఇప్పుడు చూద్దాం.
పాదాల ఆకారాలలో ముందుగా చెప్పుకునే ఆకృతి ఈజిప్ట్ ఫుట్ షేప్. దీని ప్రకారం బొటనవేలు నుంచి చివరి చిటికెన వేలు వరకు సైజు తగ్గుతూ కిందకు ఉంటాయి. పాదం ఈ విధమైన ఆకృతి కలవారు చాలా సీక్రెట్ మైంటైన్ చేస్తూ ఉంటారు. ఎవరితో అంతగా స్నేహం చేయటానికి ఇష్టపడరు.ఇక రెండవది రోమన్ ఫుట్ షేప్. ఇలాంటి పాద ఆకృతి కలవారిలో మొదటి మూడు వేలు సమాంతరంగా ఉంటాయి. తర్వాత రెండు వేళ్ళు సైజు తగ్గుతూ చిన్నగా ఉంటాయి. ఇలాంటి పాదం ఆకారం కలవారు అందరితో స్నేహపూర్వకంగా ఇట్టే కలిసిపోతారు. మీరు నలుగురులో మంచి గుర్తింపు కూడా పొందుతారు.
ఇక మూడవది స్క్వేర్ ఫుట్ షేప్. బొటనవేలుతో సహా అన్ని కాలి వేళ్ల ఎత్తు దాదాపు ఒకే విధంగా ఉంటే దీనినే పెసెంట్ ఫుట్ ఆకారం అని కూడా పిలుస్తారు. ఇటువంటి పాద ఆకృతి కలవారు ఆచరణాత్మకంగా, విశ్వసనీయంగా, నిజాయితీగా మరియు సమతుల్యంగా ఉంటారు. వీరు చాలా సమతుల్య జీవితాన్ని గడుపుతారు. వీరు ప్రతి విషయాన్ని జాగ్రత్తగా పరిశీలిస్తారు. ఏదైనా నిర్ణయం తీసుకునే ముందు ఒక విషయం యొక్క అన్ని లాభానష్టాలను పరిశీలిస్తారు. వీరి నిర్ణయాలు చాలా దృఢమైనవిగా ఉంటాయి. వీరి మాటను ఎవరన్నా ఇట్లే నమ్మేస్తారు. ఎందుకంటే వీరు మాట ఇస్తే ఖచ్చితంగా తప్పరు.
ఇక నాలుగవ పాద ఆకారం ఏమిటంటే గ్రీకు ఫుట్ షేప్. వీరిలో పాదములో రెండవ వేలు మిగతా వాటి కంటే పెద్దగా ఉంటుంది. మీరు రియలిస్టిక్ గా అండ్ ఎమోషనల్ గా ఉంటారు. వీరు క్రీడారంగంపై ఎక్కువ ఆసక్తి చూపుతారు. వీరు ఎంచుకున్న రంగంలో మీరు కచ్చితంగా రాణిస్తారు. ఇక ఐదవ పాదాకృతి కలవారు పాదంలో మొదటి బొటన వేలు దగ్గర నుంచి నాలుగోవేలు వరకు యాక్టివ్ గా పని చేసిన చిటికెన వేలు అనేది కదపడానికి కష్టంగా ఉంటుంది. ఇలాంటి వారు జీవితం మొత్తం కష్టపడి పనిచేయాల్సి ఉంటుంది. ఆరవ పాదాకృతి కలవారు చివరి చిటికన వేలుని అసలు కదపలేరు. ఇలాంటివారు సాహసాలు చేయడానికి ఎక్కువగా ఇష్టపడతారు.
ఇక ఏడవ పాదాకృతి ఏమిటంటే మొదటి నాలుగు వేళ్ళు కలిసి ఉండి చిటికెన వేలు అనేది దూరంగా ఉంటుంది. వీరు విరుద్ధ మనస్తత్వం కలవారు. జనమంతా ఒకటి చేస్తే వీరు వేరే రకంగా చేయడానికి ప్రయత్నిస్తారు. సింపుల్ గా చెప్పాలి అంటే వీరిని వితండవాదులు అంటారు. ఇక ఎనిమిదవ పాదాకృతి ఎలా ఉంటుంది అంటే.. మొదటి రెండు వేళ్ళు కలిసి ఉంటే మిగతా మూడు వేళ్ళు ఒక వైపుకు వంగి ఉంటాయి. ఇలాంటి పాదాకృతి ఉన్నవారు పర్ఫెక్ట్ వ్యక్తిత్వం కలవారు. వీరు జీవితంలో అనుకున్నది కచ్చితంగా సాధిస్తారు. వీరు ఏదైనా పని చేయాలని నిర్ణయించుకుంటే ఆ పని పూర్తయ్యే వరకు నిద్రపోరు. మరి ఈ 8 పాదాకృతులలో మీ పాదం ఏ ఆకారంలో ఉందో ఒకసారి చెక్ చేసుకోండి.
