Mohan Babu : మోహ‌న్ బాబు ఇలా అయిపోయాడేంటి.. ఇప్పుడు ఆయ‌న ఆరోగ్యం ఎలా ఉందంటే..!

Mohan Babu : తెలుగు సినీ ప‌రిశ్ర‌మ‌లో చెప్పుకోదగ్గ న‌టుల‌లో మోహ‌న్ బాబు ఒకరు. హీరోగా, విల‌న్‌గా వైవిధ్య‌మైన పాత్ర‌ల‌లో న‌టించి మెప్పించారు. కొన్నాళ్లుగా మోహ‌న్ బాబు సినిమాల‌కి దూరంగా ఉంటున్నారు. మా ఎల‌క్ష‌న్స్ స‌మ‌యంలో ఆయ‌న చేసిన సంద‌డి అంతా ఇంతాకాదు. ఇక మోహ‌న్ బాబు తాజాగా తిరుపతి సమీపంలో ఉన్న శ్రీ విద్యానికేతన్ ఇంజనీరింగ్ కాలేజ్ గ్రాడ్యుయేషన్ సెర్మనీ కార్యక్రమంలో క‌నిపించారు. ఈ కార్యక్ర‌మానికి ఉపరాష్ట్రపతి వెంకయ్యనాయుడు ముఖ్య అతిథిగా హాజ‌ర‌య్యారు. క్యాంపస్ మొత్తాన్ని పరిశీలించిన వెంకయ్యనాయుడు అక్కడి సౌకర్యాలను, అతిపెద్ద వంటగదిని, పూర్తి కావడానికి సిద్ధంగా ఉన్న గ్రంథాలయాన్ని సందర్శించారు.

క్యాంపస్ లో పచ్చదనంతో పాటు, సౌకర్యాలకు పెద్దపీట వేసిన మంచు మోహన్ బాబు, మంచు విష్ణులకు ప్రత్యేకంగా అభినందనలు తెలిపారు. ఈ పచ్చదనాన్ని కాపాడుకుంటున్న కళాశాల నిర్వహణ బృందాన్ని ప్రత్యేకంగా అభినందించారు. దేశభక్తి అంటే దేశాన్ని గౌరవించటం మాత్రమే కాదన్న వెంకయ్యనాయుడు, దేశమంటే మట్టికాదోయ్ – దేశమంటే మనుషులోయ్ అన్న గురజాడ మాటలను గుర్తు చేశారు. ముఖ్యంగా ఈతరం యువత భాష సంస్కృతులకు దూరమౌతోందని ఆవేదన వ్యక్తం చేసిన ఆయన, పెద్దలను గౌరవించటం, మన సంస్కృతిని అలవరుచుకోవటం, భాషను కాపాడుకోవటం జీవన విధానంలో భాగం చేసుకోవాలని సూచించారు.

అయితే క్యాంప‌స్‌కి కారులో వ‌చ్చిన మోహ‌న్ బాబు కారు దిగే స‌మ‌యంలో చాలా ఇబ్బందిగా క‌నిపించారు. కారు దిగ‌డానికి చాలా ఇబ్బంది ప‌డ్డారు. మోహ‌న్ బాబుని అలా చూసి ప్ర‌తి ఒక్క‌రు షాక‌య్యారు. మోహ‌న్ బాబు ఆరోగ్యం ఎలా ఉంది, ఆయన అనారోగ్యంతో ఇబ్బంది ప‌డుతున్నారా అంటూ ప‌లువురు ఆందోళ‌న వ్య‌క్తం చేస్తున్నారు. సినిమాల‌లోను, రాజ‌కీయాల‌లోను త‌న‌దైన ముద్ర వేసిన మోహన్ బాబు అనారోగ్యంతో బాద‌ప‌డుతున్నార‌ని కొంద‌రు చెబుతుండ‌గా, మ‌రి కొంద‌రు అలాంటిదేమి లేద‌ని కొట్టి పారేస్తున్నారు.