ఇంత పెద్ద నో బాల్‌ను ఎప్పుడైనా చూశారా.. వైర‌ల్ అవుతున్న వీడియో..

క్రికెట్‌లో ఒక్కోసారి జ‌రిగే కొన్ని సిట్యుయేష‌న్స్ అంద‌రిని ఆశ్చర్యానికి గురి చేస్తూ ఉంటాయి. రీసెంట్‌గా దుబాయ్ వేదిక‌గా అబుదాబి నైట్ రైడర్స్, ఎంఐ ఎమిరేట్స్ మధ్య ఇంటర్నేషనల్ లీగ్ టీ20 మ్యాచ్ జ‌రిగింది. ఇందులో తొలుత బ్యాటింగ్ చేసిన అబుదాబి ఎంఐకి 171 పరుగుల లక్ష్యాన్ని అందించింది. కీరన్ పొలార్డ్ జట్టు చివరి బంతికి 5 వికెట్ల నష్టపోయి టార్గెట్‌ను చేరుకుంది. చివరి ఓవర్‌లో ఎంఐకి 20 పరుగులు అవసరం కాగా, ప్రతి ఒక్కరూ ఈ లక్ష్యాన్ని అసాధ్యమని అనుకున్నారు. అయితే బ్రావో, జద్రాన్ తమ సొంత ప్రణాళికలను సిద్ధం చేసుకున్నారు. ఆండ్రీ రస్సెల్ బౌలింగ్‌తో దాడి చేసేందుకు సిద్ధంగా ఉన్నాడు. అందరి కన్ను చివరి ఓవర్‌పై నిలిచింది. ఆపై బ్యాట్స్‌మెన్ రస్సెల్ బంతులను కొట్టడం ప్రారంభించారు.

చివరి ఓవర్లో 3 సిక్సర్లు, ఒక ఫోర్ బాదేశాడు. రస్సెల్ చివరి ఓవర్‌లో 25 పరుగులు ఇచ్చాడు. దీంతో అబుదాబి గెలవాల్సిన మ్యాచ్‌లో ఓడిపోయింది. ఇదిలా ఉంటే ఈ మ్యాచ్‌లో మ‌రో ఆస‌క్తిక‌ర సంఘ‌ట‌న చోటు చేసుకుంది. ఆఫ్ఘనిస్తాన్ బౌలర్ అయిన ఫజల్ హక్ ఫారూఖీ ఎమిరైట్స్ జట్టుకు ప్రాతినిథ్యం వహిస్తున్నాడు. ఈ క్రమంలోనే బౌలింగ్ కు దిగిన ఫారూఖీ.. విచిత్రమైన నో బాల్ వేశాడు. బాల్ చేతి నుండి జారిపోవ‌డంతో కీపర్ అవతల నుండి బౌండరీకి తరలింది. ఇంకాస్త గట్టిగా విసిరితే ఏకంగా సిక్స్ పడేదే బాల్. ఈ విచిత్రమైన నో బాల్ ను చూసిన బ్రావో స్లిప్ లో ఉండి నవ్వులు చిందించాడు.

ప్రస్తుతం ఈ వీడియో నెట్టింట నవ్వులు పూయిస్తోంది. ఇక అబుదాబి తరపున ధనంజయ్ డిసిల్వా అత్యధికంగా 65 పరుగులు చేశాడు. 40 బంతుల్లో 8 ఫోర్లు, 2 సిక్సర్లు బాదాడు. సిల్వాతో పాటు, కెప్టెన్ సునీల్ నరైన్ 18 బంతుల్లో అజేయంగా 28 పరుగులు చేశాడు. అయితే, అతని కష్టానికి చివరి ఓవర్‌లో ఫలితం దక్కింది. అబుదాబి బౌలర్లు మ్యాచ్‌పై పట్టు సాధించారు. ఆండ్రీ ఫ్లెచర్ ఎంఐ తరపున అత్యధికంగా 53 పరుగులు చేశాడు. 19 ఓవర్ల ఆట ముగిసే సమయానికి ఎంఐ 5 వికెట్లకు 151 పరుగులు చేసింది. అబుదాబి విజయం కనిపించడం ప్రారంభమైంది. కానీ, చివరి ఓవర్‌లో, రస్సెల్ బ్రావో, జద్రాన్ అబుదాబి కృషిని చిత్తు చేశారు.