UP CM Yogi Adithyanath : యూపీ సీఎం యోగి ఆదిత్యనాథ్‍ ద‌గ్గ‌ర ప్ర‌త్య‌క్ష‌మైన హ‌నుమాన్ టీం.. ఎందుకంటే..?

UP CM Yogi Adithyanath : టాలీవుడ్ లేటెస్ట్ సెన్సేషన్ ప్రశాంత్‌వర్మ దర్శకత్వంలో వ‌చ్చిన తాజా చిత్రం ‘హనుమాన్‌’. తేజ సజ్జా కథానాయకుడిగా న‌టించిన ఈ చిత్రం సంక్రాంతి కానుక‌గా విడుద‌లై ఎంత పెద్ద విజ‌యం సాధించిందో ప్ర‌త్యేకంగా చెప్ప‌న‌క్క‌ర్లేదు. ఈ మూవీ మంచి టాక్ సంపాదించుకొని వ‌ర‌ల్డ్‌వైడ్‌గా రూ.200 కోట్ల వ‌సూళ్లు రాబ‌ట్టింది. హ‌నుమాన్ చిత్రం మంచి విజ‌యం సాధించిన త‌ర్వాత చిత్రం బృందం ప‌లువురు ప్ర‌ముఖుల‌ని కుల‌స్తుండ‌డం విశేషంగా చెప్పుకోవాలి. రీసెంట్‌గా హనుమాన్ మూవీ హీరో తేజ సజ్జా, దర్శకుడు ప్రశాంత్ వర్మ ఉత్తర ప్రదేశ్ ముఖ్యమంత్రి యోగి ఆదిత్యనాథ్ తో లక్నోలోని ఆయన కార్యాలయంలో భేటీ అయ్యారు.

హనుమాన్ సినిమా గురించి దర్శకుడు ప్రశాంత్ వర్మ యోగికి వివరించారు. హనుమాన్ సినిమా విజయం సాధించండపై యోగి ఆదిత్యనాథ్ మూవీ టీం అభినందించినట్లు తెలిసింది. భేటీలో హనుమాన్ సినిమా చిన్నారులు, యువతపై ఎంత ప్రభావం చూపించిందో సీఎం యోగికి ప్రశాంత్ వర్మ వివరించారు. అలానే మన భారత ఇతిహాసాల్లోని అంశాలను సూపర్ హీరో స్టోరీలో ఏ విధంగా చూపించామనేది ఆయనకి వివరించారు. భేటీ పూర్తయిన తర్వాత ఏం మాట్లాడుకున్నారనేది ప్రశాంత్ వర్మ మీడియాకి చెప్పారు. యోగిజీని కలవడం నిజంగా ఒక గౌరవంగా భావిస్తున్నాను. ‘హనుమాన్’ సినిమాను ఆయన ఎంతగానో ప్రశంసించారు.

అలానే ఇలాంటి ఒక ఆఫ్‌బీట్ స్టోరీని సూపర్ హీరో కథనంగా తీర్చిదిద్దిన విధానాన్న ఆయన మెచ్చుకున్నారు. సినిమాలు మన సాంస్కృతిక వారసత్వాన్ని ఎలా కాపాడతాయో యోగి వివరించారు. అలానే సినిమాల ద్వారా మన చరిత్రను చూపించడం అవసరమని.. ఇలాంటి చిత్రాలు మరిన్ని తీయాలంటూ మమ్మల్ని ప్రోత్సహించారు.” అంటూ ప్రశాంత్ వర్మ చెప్పారు. ఆధ్యాత్మికతను ఇలా అర్థం చేసుకొనే ముఖ్యమంత్రి ఉండటం గ్రేట్ అని చెప్పారు. ఇటువంటి ప్రోత్సాహాలు మేం మరిన్ని కొత్త ప్రయోగాలు చేయడానికి మనకు స్ఫూర్తిని ఇస్తుందని పేర్కొన్నారు. యోగి జీని కలవడం నిజంగా తమకు ఒక గౌరవంగా ఉందని చిత్ర యూనిట్ చెప్పింది.ఈ మూవీ ప్రతి టికెట్ పై రూ. 5 చొప్పున మొత్తం రూ.2.66 కోట్లను అయెధ్య రామమందిరానికి విరాళంగా ఇచ్చిన విష‌యం తెలిసిందే.