Rama Krishna: చిన్న వ‌య‌స్సులో మ‌ర‌ణించిన ఎన్టీఆర్ కుమారుడు.. ఆయ‌న గురించి ఈ విష‌యాలు మీకు తెలుసా?

Rama Krishna: విశ్వ విఖ్యాత న‌ట సార్వ‌భౌమ నంద‌మూరి తార‌క‌రామారావు గురించి ప్ర‌త్యేక ప‌రిచ‌యాలు అక్క‌ర్లేదు. న‌టుడిగా, రాజ‌కీయ నాయ‌కుడిగా ఎంతో మంది ప్రేక్ష‌కుల మ‌న‌సుల్లో చెర‌గ‌ని ముద్ర వేసుకున్నారు.ఆయ‌న 20వ ఏట త‌న మేన‌మామ కాట్రగడ్డ చెంచయ్య కుమార్తె బసవతారకంని వివాహం చేసుకున్నారు ఎన్టీఆర్. 1942 మే 2న ఎన్టీఆర్, బసవతారకం దంప‌తుల‌కి వివాహం జ‌ర‌గ‌గా, వారికి మొత్తం ఎనిమిది మంది మగ సంతానం , నలుగురు ఆడపిల్లలు జన్మించారు. ఎన్టీఆర్ తన కుమారులకు రామకృష్ణ, జై కృష్ణ, సాయి కృష్ణ, బాలకృష్ణ, హరికృష్ణ, మోహనకృష్ణ, జయశంకర్ కృష్ణ అని అందరి పేరు చివరన కృష్ణ వచ్చే విధంగా నామకరణం చేశారు.

ఈ విష‌యాలు తెలుసా?

అలాగే కుమార్తెలు అంద‌రికి చివ‌రిన ఈశ్వ‌రి వ‌చ్చేలా.. పురందేశ్వరి, లోకేశ్వరి, భువనేశ్వరి, ఉమామహేశ్వరి అని నామకరణం చేశారు. నందమూరి తారక రామారావు గారి మొదటి కుమారుడు నందమూరి రామకృష్ణ చిన్నప్పుడే చనిపోయాడు.రెండవ కొడుకు జయకృష్ణ. మూడవ సంతానం అమ్మాయి ఆమే పురందరేశ్వరి. ఆ తర్వాత కొడుకు సంతానం నందమూరి సాయి కృష్ణ.ఆయన కూడా చనిపోయారు. నాలుగవ కుమారుడు నందమూరి హరికృష్ణ.ఆయన కూడా ఈ మధ్య కాలంలోనే స్వర్గస్తులైన విషయం అందరికీ తెలిసిందే.

ఏడవ కుమారుడు పేరు నందమూరి రామకృష్ణ జూనియర్. మొదటి కుమారుడి పేరు ఈయనకు పెట్టారన్నమాట.అందుకే ఈయన పేరు చివర జూనియర్ అని పెట్టారు. అయితే మొద‌టి సంతానం రామకృష్ణ అంటే ఎన్టీఆర్ కు ఎంతో ప్రేమ అభిమానం ఉండేవి, చెన్నైలోని ఎన్టీఆర్ నివాసంలో రామకృష్ణ అతిథులను ఎంతో గౌరవంగా చూసుకునే వారట. వచ్చిన ప్రతి ఒక్కరికి మర్యాద ఇచ్చేవారట. తండ్రి ఎన్టీఆర్ మాదిరిగానే రామకృష్ణకు అపారమైన భక్తి ఉండేది. దాంతో చిన్న వయసులోనే దాదాపు దేశం లోని పుణ్యక్షేత్రాలు అన్ని రామకృష్ణ చూసి వచ్చారు. 17 ఏళ్ల వయసులోనే అనారోగ్యంతో మరణించారు. నాన్న‌మ్మ‌, తాత‌య్య‌ల‌తో క‌లిసి నిమ్మ‌కూరు వెళ్లిన స‌మ‌యంలో మ‌సూచి వ్యాధిన ప‌డి క‌న్నుమూసారు. రామ‌కృష్ణ చ‌నిపోయిన స‌మ‌యంలో ఎన్టీఆర్ షూటింగ్‌లో ఉన్నాడ‌ట‌. విష‌యం తెలిసి బోరున ఏడ్చిన ఎన్టీఆర్ వెంట‌నే నిమ్మ‌కూరు వెళ్లి అక్క‌డ అంత్య‌క్రియ‌లు నిర్వ‌హించారు.