Dil Raju : శాకుంత‌లం ఫ్లాప్‌పై స్పందించిన దిల్ రాజు.. 25 ఏళ్ల కెరీర్‌లో ఊహించ‌లేదంటూ..!

Dil Raju : తెలుగు బడా నిర్మాతల్లో దిల్ రాజు ఒకరు అనే విష‌యం తెలిసిందే సెల‌క్టివ్‌గా సినిమాలు చేస్తూ మంచి విజ‌యాలు అందుకుంటున్నాడు. పెద్ద సినిమాలతో పాటు చిన్న సినిమాల‌తో కూడా అల‌రిస్తున్నాడు. రీసెంట్‌గా బలగం అనే చిన్న సినిమాతో పెద్ద హిట్ కొట్టి ఆశ్చర్యపరిచారు. ఇక స్టార్ హీరోయిన్ సమంత ప్రధాన పాత్రలో శాకుంత‌లం వచ్చిన శాకుంతలం మాత్రం ప్లాప్ టాక్ తెచ్చుకుంది. ఈ నేపథ్యంలో తాజాగా ఆయన శాకుతలంపై షాకింగ్ కామెంట్స్ చేశారు. అందమైన ప్రేమ కావ్యంగా తెరకెక్కిన శాకుంతలం సినిమాను డైరెక్టర్ గుణ శేఖర్ దర్శకత్వం వహించగా, నిర్మాత దిల్ రాజు సమర్పణలో దిల్ రాజు ప్రొడక్షన్స్, గుణా టీమ్ వర్క్స్ పతాకంపై నీలిమ గుణ చిత్రాన్ని నిర్మించారు. ఎపిక్ మైథాలాజికల్ మూవీగా తెరకెక్కిన శాకుంతలం సినిమా కోసం దిల్ రాజు రూ. 3 కోట్లు ఖర్చు పెట్టినట్లు సమాచారం.

స‌మంత‌, దేవ్ మోహ‌న్ ప్ర‌ధాన పాత్ర‌ల‌లో రూపొందిన సినిమాతో ఐకాన్ స్టార్ అల్లు అర్జున్ గారాల కూతురు అల్లు అర్హ సినీ ఎంట్రీ ఇచ్చింది. ఈ మూవీ విజువల్ గ్రాఫిక్స్ పై, మెలోడీ బ్రహ్మా మణిశర్మ సంగీతంపై విమర్శలు వచ్చాయి. దీంతో శాకుంతలం మూవీ డిజాస్టర్ టాక్ తెచ్చుకుంది. అయితే ఈ ఇష్యూపై ఓ యూట్యూబ్ ఛానెల్ కు ఇచ్చిన ఇంటర్వ్యూలో శాకుంతలం సినిమా ఫలితంపై దిల్ రాజు స్పందించారు. శాకుంతలం సినిమా మిస్ ఫైర్ అయింది. సోమ, మంగళ వారాల్లో కలెక్షన్స్ రాలేదంటే అప్పుడే ఫిక్స్ అయిపోవాలి. రియలైజ్ కావాలి.

శాకుంతలం చిత్రం నాకు పెద్ద ఝలక్ ఇచ్చింది. నా 25 ఏళ్ల కెరీర్ లో ఇది ఎప్పుడూ ఊహించలేదు అని దిల్ రాజు ఇంట్రెస్టింగ్ కామెంట్స్ చేశారు . ప్రస్తుతం ఈ కామెంట్స్ తెగ వైరల్ అవుతున్నాయి. కాగా.. ఇదే ఇంటర్వ్యూలో ప్రభాస్, జూనియర్ ఎన్టీఆర్ లతో ప్రాజెక్ట్స్ ఖరారు అయినట్లు కూడా దిల్ రాజు తెలిపారు. కాగా, శాకుంతలం సినిమా ఫ్లాప్ కావ‌డంపై స్పందించిన స‌మంత‌..‘కర్మణ్యే వాధికారస్తే మా ఫలేషు కదాచన’ అనే శ్లోకాన్ని ఇన్‌స్టాలో పెట్టింది. “పని చెయ్యి కానీ ప్రతిఫలం ఆశించకు” అని దీని అర్థం. ఆ టైమ్‌కు ఇది పెట్టిందంటే సినిమా ఫెయిల్యూర్ గురించే అని అంద‌రు అనుకుంటున్నారు.