Das Ka Dhamki : మాస్ కా దాస్ విశ్వక్ సేన్ ఇటీవ‌లి కాలంలో వైవిధ్య‌మైన చిత్రాలు చేస్తూ ప్రేక్షకులని అల‌రిస్తున్నాడు. ఫలక్నూమా దాస్ చిత్రంతో డైరెక్టర్ గా మారాడు విశ్వక్ సేన్. ఈ సినిమాలో హీరోగాపాటు దర్శకత్వం వహించి సత్తా చాటిన ఆయ‌న ఇటీవలే మరోసారి హీరోగా, డైరెక్టర్గా ఆకట్టుకునే ప్రయత్నం చేశాడు. ఆ సినిమానే ‘దాస్ కా ధమ్కీ’. సుమారు నాలుగేళ్ల తర్వాత విశ్వక్ సేన్ మెగా ఫోన్ పట్టుకున్న ఈ చిత్రం ఉగాది సందర్భంగా మార్చి 22న థియేటర్లలో విడుదలై ప్రేక్షకులని బాగానే అల‌రించింది. ముందుగా ఈ సినిమాకి మిక్స్ డ్ టాక్ వ‌చ్చిన కూడా తర్వాత అంత‌గా అల‌రించ‌లేక‌పోయింది.
ఉగాది పండుగ సందర్భంగా మార్చి 22న తెలుగు, తమిళం, కన్నడ, మలయాళం, హిందీ భాషల్లో పాన్ ఇండియా మూవీగా విడుదల అయిన మాస్ కా ధమ్కీ మూవీకి ప్రసన్న కుమార్ బెజవాడ కథ, మాటలు అందించారు. యాక్షన్థ్రిల్లర్గా తెరకెక్కిన ఈ సినిమా ప్రీరిలీజ్ ఈవెంట్ కి యంగ్ టైగర్ జూనియర్ ఎన్టీఆర్ హాజరు కావడం, ప్రమోషన్స్ లో బాలకృష్ణ పాల్గొనడంతో చిత్రానికి అయితే మంచి హైప్ వచ్చింది. ప్రస్తుతం ఈ మూవీ థియేట్రికల్ రన్ క్లోజ్ అవడంతో డిజిటల్ పార్ట్‌నర్ ‘ఆహా’ .. తాజాగా స్ట్రీమింగ్ డే‌ట్‌ను ప్రకటించింది. ఏప్రిల్ 14 నుంచి ‘దాస్ కా ధమ్కీ’ ఓటీటీ ప్లాట్‌ఫామ్‌లో అందుబాటులో ఉంటుందని వెల్లడించింది.
వన్మయే క్రియేషన్స్, విశ్వక్‌సేన్ సినిమాస్ బ్యానర్లపై కరాటే రాజు ఈ చిత్రాన్ని నిర్మించారు. ప్రముఖ రైటర్ ప్రసన్న కుమార్ బెజవాడ ‘ధమ్కీ’ చిత్రానికి కథ, మాటలు అందించిన విషయం తెలిసిందే. ఇక లియోన్ జేమ్స్ మ్యూజిక్ అందించగా.. పాటలు సూపర్ హిట్ కావడం సినిమాకు ప్లస్ అయ్యింది . నటుడిగా, నిర్మాతగానే కాక దర్శకుడిగా మూడు బాధ్యతలను సమర్థవంతంగా నిర్వర్తించాడు విశ్వక్. ఈ సినిమాని థియేట‌ర్‌లో మిస్ అయిన వారు ఓటీటీలో చూసి ఎంజాయ్ చేయవ‌చ్చు. ఇక ఈ చిత్రంలో చిత్రంలో హైప‌ర్ ఆది, మ‌హేష్‌, రావు ర‌మేష్‌, రోహిణి త‌దిత‌రులు కీల‌క పాత్రల్లో న‌టించారు.
