CM Revanth Reddy : చిరంజీవి పార్టీలో స్పెష‌ల్ అట్రాక్ష‌న్‌గా రేవంత్ రెడ్డి.. రామ్ చ‌ర‌ణ్‌తో ఆప్యాయంగా..!

CM Revanth Reddy : భారత ప్రభుత్వం ప్రకటించే అత్యుత్తమమైన అవార్డుల్లో పద్మ పురస్కారాలు ప్రత్యేకమైనవి అని ప్ర‌తి ఒక్క‌రికి తెలిసిందే. అయితే ప్రతి ఏడాది గణతంత్ర దినోత్సవాన్ని పురస్కరించుకుని కేంద్ర ప్రభుత్వం ఈ అత్యున్నత పౌర పురస్కారాలను ప్రకటిస్తుంటుంది. ఇక, ఈ సంవత్సరానికి గానూ ఇటీవలే పద్మ అవార్డులను ప్రకటించ‌గా, ఇందులో టాలీవుడ్ స్టార్ హీరో మెగాస్టార్ చిరంజీవికి పద్మ విభూషణ్ అవార్డును అనౌన్స్ చేసారు. దీనిపై ప్ర‌తి ఒక్కరు హ‌ర్షం వ్య‌క్తం చేశారు. ఇక అవార్డు ప్రకటన సందర్బంగా చిరంజీవి విందు ఏర్పాటు చేయగా సీఎం రేవంత్ హాజరై శుభాకాంక్షలు తెలిపారు. చిరంజీవికి అవార్డు రావడం మనందరికీ గర్వకారణమని ముఖ్యమంత్రి కొనియాడారు. చిరంజీవికి హృదయపూర్వక శుభాకాంక్షలు తెలిపారు. తనను అభినందించిన ముఖ్యమంత్రి రేవంత్ రెడ్డికి చిరంజీవి ధన్యవాదాలు తెలిపారు.

పద్మ విభూషణ్ అవార్డుతో ఫుల్ జోష్‌లో ఉన్న మెగాస్టార్ చిరంజీవి.. ఇందుకోసం ఏర్పాటు చేసిన పార్టీలో సినీ, రాజకీయ రంగాలకు చెందిన ఎంతో మంది ప్రముఖులను ఆహ్వానించారు. ఇందులో భాగంగానే దీనికి తెలంగాణ రాష్ట్ర ముఖ్యమంత్రి రేవంత్ రెడ్డి ప్రత్యేక అతిథిగా హాజరై.. ఈ స్పెషల్ పార్టీలో తెగ సందడి చేశారు. ప్రత్యేక ఆహ్వానం మేరకు విందుకు హాజరైన రేవంత్ రెడ్డి ముందుగా మెగాస్టార్ చిరంజీవికి శుభాకాంక్షలు తెలియజేశారు. ఆ తర్వాత ఆయన కుటుంబ సభ్యులతో కలిసి ఫొటోలు దిగారు. అనంతరం మెగా పవర్ స్టార్ రామ్ చరణ్‌తో ముఖ్యమంత్రి రేవంత్ ఆప్యాయంగా మాట్లాడారు. వీళ్లిద్దరూ చాలా సేపు ముచ్చటిస్తూ కనిపించారు. అనంతరం విందు ఆరగించారు.

మెగాస్టార్ చిరంజీవికి పద్మ విభూషణ్ అవార్డును ప్రకటించిన సందర్భంగా రేవంత్ రెడ్డి సోషల్ మీడియాలో ‘శ్రీ చిరంజీవి గారికి అవార్డు రావడం మనందరికీ గర్వకారణం, వారికి నా హృదయపూర్వక శుభాకాంక్షలు’ అని చెప్పారు. దీనికి బదులుగా చిరంజీవి ‘నన్ను అభినందించిన ముఖ్యమంత్రి శ్రీ రేవంత్ రెడ్డి గారికి ధన్యవాదాలు’ అని చెప్పారు. ఈ విషయాన్ని తెలంగాణ సీఎంవో ట్విట్టర్ ఖాతాలో తెలిపింది. అలాగే, కొన్ని ఫొటోలను కూడా షేర్ చేసింది. అవి నెట్టింట తెగ వైర‌ల్‌గా మారాయి. 2006 కాంగ్రెస్‌ ప్రభుత్వం హయాంలో చిరంజీవికి పద్మభూషణ్ అవార్డు దక్కింది. ఇక ఇప్పుడు చిరంజీవితో పాటు ఉపరాష్ట్రపతిగా సేవలందించిన వెంకయ్య నాయుడు సైతం పద్మవిభూషణ్ అందుకోనున్నారు.