Ambati Rambabu : అంబ‌టిపై నిప్పులు చెరిగిన బాల‌కృష్ణ‌.. సినిమాలో చూపించుకోమంటూ రాంబాబు ఘాటు కామెంట్స్

Ambati Rambabu : మ‌రి కొద్ది రోజుల్లో ఏపీలో ఎన్నిక‌లు జ‌ర‌గ‌నున్న విష‌యం తెలిసిందే. ఈ సారి వైసీపీ వ‌ర్సెస్ టీడీపీ మ‌ధ్య పోటీ చాలా గ‌ట్టిగా ఉండ‌నుంద‌ని తెలుస్తుంది. ఎల‌క్ష‌న్స్ ద‌గ్గ‌ర ప‌డుతున్న కొద్ది నేత‌లు త‌మ ప్ర‌చారంతో హోరెక్కిస్తున్నారు. స‌భ‌ల్లో ఒక‌రిపై ఒక‌రు నిప్పులు చెరుగుతున్నారు. కొద్ది నెల‌ల క్రితం ఏపీ అసెంబ్లీలో ఎలాంటి ప‌రిస్థితులు నెలకొన్నాయో మనం చూశాం. తొలిరోజే టీడీపీ, వైసీపీ సభ్యులు తీవ్ర వాగ్వాదానికి దిగారు. సభలో మీసాలు మెలేస్తూ, తొడలు కొట్టుకుని వార్నింగ్ లు ఇచ్చుకున్నారు. చంద్రబాబు అరెస్ట్ పై చర్చించాలని టీడీపీ ఎమ్మెల్యేలు పట్టుబట్టారు.

బీఏసీలో చర్చించి నిర్ణయం తీసుకుంటామని మంత్రి బుగ్గన అన్నారు. అయినా టీడీపీ ఎమ్మెల్యేలు స్పీకర్ పోడియం వద్దకు వెళ్లి ప్లకార్డులు ప్రదర్శించి ఆందోళన చేశారు. ఈ క్రమంలో టీడీపీ, వైసీపీ ఎమ్మెల్యేల మధ్య తీవ్ర వాగ్వాదం జరిగింది. ముఖ్యంగా టీడీపీ ఎమ్మెల్యే బాలకృష్ణ, మంత్రి అంబటి రాంబాబు మధ్య మాటల యుద్ధం జరిగింది. ఒకరికొకరు అసెంబ్లీ వేదికగా సవాళ్లు విసురుకున్నారు. అసెంబ్లీలో బాలయ్య మీసం మెలితిప్పి సవాల్ చేయగా, మీసాలు తిప్పడాలు సినిమాల్లో చూపించుకోవాలంటూ బాలకృష్ణకు మంత్రి అంబటి కౌంటర్‌ ఇచ్చారు. మంత్రి అంబటి రాంబాబు తనను చూసి తొడకొట్టారని, అందుకే తాను మీసం మెలేశానని హిందూపురం ఎమ్మెల్యే బాలకృష్ణ ఆరోపించారు. చూసుకుందాం రా అన్నారని, నేను కూడా చూసుకుందాం రా అని సవాల్ చేశానన్నారు. సినీ పరిశ్రమలో అందరు తన లాగా ధైర్యవంతులు ఉండరని, ఎవరి అభిప్రాయాలు వారివన్నారు.

అసెంబ్లీలో జరిగిన ఘటనలు తలుచుకుంటే బాధేస్తోందని బాలకృష్ణ అన్నారు. వైసీపీ ప్రభుత్వం నియంతృత్వ ధోరణిలో శాసనసభను నడిపిస్తోందని ఆరోపించారు. సినీ రంగం నుంచి వచ్చిన ఎన్టీఆర్ ముఖ్యమంత్రి అయ్యి… ఎందరికో రాజకీయ భిక్ష పెట్టారని బాలకృష్ణ గుర్తుచేశారు. సభలో తనకు మాత్రమే అవమానం జరగలేదని, మొత్తం తెలుగు సినీ పరిశ్రమను కించపరిచారన్నారు. అసెంబ్లీలో ముందుగా మీసం మెలేసి, తొడకొట్టి సవాల్ చేసింది వైసీపీ ఎమ్మెల్యేలే అని బాలకృష్ణ అన్నారు. తాను చేయని పనిని చేసినట్లు వైసీపీ ఎమ్మెల్యేలు అసత్యాలు ప్రచారం చేస్తున్నారన్నారు. అతిత్వరలో ప్రజలే వారికి బుద్ధి చెప్తారన్నారు. తన వృత్తిని అవమానించిన మంత్రి అంబటి రాంబాబుకి కౌంటర్ గా తొడకొట్టి, మీసం మెలితిప్పినట్లు బాలకృష్ణ తెలిపారు. అయితే దానికి అంబ‌టి స్పందిస్తూ.. మీ తండ్రికి వెన్నుపోటు పొడిచిన సందర్భాన్ని గుర్తు తెచ్చుకొని, ఇప్పుడు టిడిపిలో మీసం తిప్పాలని హితవు పలికారు. తండ్రికి కష్టకాలంలో సహాయ పడలేదన్న అపవాదు మీ సోదరుల పైన ఉందని, ఇప్పుడు ఆ అపవాదు తొలగించుకునే అవకాశం వచ్చిందని మంత్రి అంబటి రాంబాబు పేర్కొన్నారు.