CM Chandra Babu : ఏపీలో కొత్త ప్రభుత్వం కొలువుదీరింది. ఆ రాష్ట్ర ముఖ్యమంత్రిగా చంద్రబాబు ప్రమాణస్వీకారం చేశారు. అదే రోజు పవన్ కళ్యాణ్ కూడా ప్ర‌మాణ స్వీకారం చేయ‌డం మ‌నం చూశాం. కూటమి కట్టడానికి, కూటమి విజయానికి పవన్ కల్యాణే కారణమని చెబుతున్న చంద్రబాబు పవన్ క‌ళ్యాణ్‌కి కీల‌క ప‌ద‌వులు అప్ప‌గించారు. అయితే మంగళవారం ఆంధ్రప్రదేశ్ సెక్రటేరియట్‌లో ముఖ్యమంత్రి చంద్రబాబుతో డిప్యూటీ సీఎం పవన్ కల్యాణ్ మంగళవారం మర్యాదపూర్వకంగా భేటీ అయ్యారు. తొలిసారిగా సచివాలయం వచ్చిన పవన్ కళ్యాణ్.. చంద్రబాబును కలిశారు.
అనంతరం రాష్ట్ర మంత్రులు నాదెండ్ల మనోహర్‌, కందుల దుర్గేశ్‌‌లతో పాటు ముఖ్యమంత్రితో భేటీ అయ్యారు. ఈ సందర్భంగా చంద్రబాబు పవన్ కళ్యాణ్‌ను ఆత్మీయంగా ఆలింగనం చేసుకున్నారు. మరోవైపు ప్రభుత్వ ఏర్పాటు తర్వాత తొలి భేటీలో వివిధ అంశాలపై చర్చించినట్టు సమాచారం. ఆ స‌మ‌యంలో ఇద్ద‌రు ప‌లు విష‌యాల‌పై చ‌ర్చించారు. అదే క్ర‌మంలో పవన్ కొన్ని జోకులు వేసిన‌ట్టుగా కూడా తెలుస్తుంది. ఆ జోకుల‌కి చంద్రబాబు కూడా తెగ న‌వ్వేశారు. ఇందుకు సంబంధించిన వీడియో నెట్టింట వైరల్ అవుతుంది. డిప్యూటీ సీఎంకు సాదర స్వాగతం పలికిన సీఎం, ఆలింగనం చేసుకోవ‌డం,. అనంతరం పేషీలో కూర్చోని సరదాగా ముచ్చటించుకోవ‌డం అంద‌రి దృష్టిని ఆక‌ర్షించారు.
ఇక వారిద్ద‌రు ముచ్చటిస్తూ నవ్వుకున్నారు కూడా.!. భేటీ కావడానికి వచ్చిన పవన్‌కు సీటులో నుంచి లేచి ఎదురెళ్లి మరీ.. ఆలింగనం చేసుకున్న సీఎం స్వాగతం పలికారు. ఈ సందర్భంగా.. సీఎం చాంబర్‌లో ఉన్న ఆంధ్రప్రదేశ్ ప్రభుత్వ అధికారిక చిహ్నం చూపించిన పవన్.. ‘మీరు ఆ గుర్తుకు హుందాతనం తెచ్చారు సార్’ అని వ్యాఖ్యానించారు. ఈ వ్యాఖ్యలకు చంద్రబాబు స్పందిస్తూ ‘ధన్యవాదాలు పవన్’ అని అన్నారు.ఇక బుధవారం ఉదయం విజయవాడలోని క్యాంపు కార్యాలయంలో డిప్యూటీ సీఎంగా బాధ్యతలు స్వీకరించారు పవన్ కళ్యాణ్. ఇక ఆయ‌న కూడా రంగంలోకి దిగి రానున్న రోజుల‌లో అనేక మార్పులు తీసుకొచ్చే విధంగా అడుగులు వేయ‌బోతున్నారు.
