Chiranjeevi : మెగాస్టార్ చిరంజీవి. ఈ పేరుకి ప్ర‌త్యేక పరిచ‌యాలు అక్క‌ర్లేదు. స్వ‌యంకృషితో ఈ స్థాయికి ఎదిగిన చిరంజీవి ప్ర‌స్తుతం దేశ వ్యాప్తంగా అభిమానుల‌ని సంపాదించుకున్నారు. ఆరు ప‌దుల వ‌య‌స్సులో కుర్రాళ్లకు పోటీగా సినిమాలు చేస్తున్నాడు. అంతేకాదు యువ హీరోల సినిమాల ప్రీ రిలీజ్ ఈవెంట్స్‌కి ముఖ్య అతిథిగా హాజ‌రు అవుతూ వారికి త‌న వంతు స‌పోర్ట్ ను అందిస్తున్నాడు. అయితే రీసెంట్‌గా చిరంజీవి ఫస్ట్ డే ఫస్ట్ షో అనే సినిమా ప్రీ రిలీజ్ ఈవెంట్‌లో కనిపించారు. ఈ ఈవెంట్‌లో చిరంజీవి ధ‌రించిన షర్ట్ ప్ర‌స్తుతం చ‌ర్చ‌నీయాంశంగా మారింది.
సైరా సినిమా తమిళ వెర్షన్ ప్రమోషన్ సమయంలో చిరంజీవి డ‌బుల్ పాకెట్స్‌తో బ్లూ క‌ల‌ర్ ష‌ర్ట్‌లో ద‌ర్శ‌నమివ్వ‌గా మ‌ళ్లీ నాలుగేళ్ల‌కు ఫస్ట్ డే ఫస్ట్ షో ప్రీ రిలీజ్ ఈవెంట్‌లో అదే టైపు ష‌ర్ట్‌తో ద‌ర్శ‌న‌మిచ్చారు. ఇప్పుడు ఈ విష‌యం నెట్టింట హాట్ టాపిక్‌గా మారింది. సాధార‌ణంగా మెగాస్టార్ వంటి సెల‌బ్రిటీలు వేసిన షర్ట్ వేసే అవ‌కాశం ఉండదు. కానీ చిరంజీవి అప్పుడెప్పుడో వేసిన షర్ట్ మ‌ళ్లీ వేయ‌డంపై అంద‌రు ఆశ్చ‌ర్య‌పోతున్నారు. అయితే రెండూ కూడా బ్లూ క‌ల‌ర్‌లో ఉన్నా కూడా కొంచెం సారుప్య‌త క‌నిపిస్తోంది. అయిన వేసిన షర్టు ఇంకోసారి వెయ్యకూడదన్న రూల్ ఏమైనా వుందా..? షర్ట్ మాత్రమేనా, లోపల బనియన్ గురించి కూడా ఏమైనా పరిశోధన చేశారా..? అన్నట్లుగా సోషల్ మీడియాలో సెటైర్లు పడుతున్నాయి.
ఇదిలా ఉంటే చిరంజీవి అంజి సినిమా కోసం ఒకే చొక్కాను రెండేళ్ల పాటు వేసుకున్న విష‌యం విదిత‌మే. అంజి సినిమాకి సంబంధించి ఒక్క క్లైమాక్స్ మాత్రమే రెండేళ్ల పాటు తీశాడు దర్శకుడు కోడి రామకృష్ణ. దాంతో క్లైమాక్స్‌లో చిరంజీవి వేసుకునే చొక్కా రెండేళ్ల పాటు అలాగే ఉతకకుండా ఉంచాల్సి వచ్చిందని అప్పట్లో దివంగత దర్శకుడు కోడి రామకృష్ణ ఓ ఇంటర్వ్యూలో తెలిపాడు. అంత పెద్ద హీరో అయినా కూడా కొత్త హీరోలా అంజి కోసం కష్టపడ్డాడని.. కానీ ఈ చిత్రం ఫలితం నిరాశ పరిచిందని చెప్పాడు కోడి. అయితే అంజి క్లైమాక్స్ కోసం రెండేళ్ల పాటు ఒకే చొక్కా నలగకుండా చూసుకుంటూ ఉతకకుండా వేసుకున్నారు చిరంజీవి.
