Chiranjeevi : మెగాస్టార్ చిరంజీవి వివాదాల‌కి చాలా దూరంగా ఉంటారు. కాక‌పోతే కొంద‌రు మాత్రం ఆయ‌న‌ని ఏదో ఒక విష‌యాన్ని తీసుకొస్తూ చిరంజీవిపై మాత్రం ట్రోల్ చేస్తూనే ఉన్నారు. తాజాగా ఆయ‌న చేసిన ట్వీట్‌పై పెద్ద ఎత్తున వివాదం న‌డుస్తుంది.దర్శక ధీరుడు రాజమౌళి తెరకెక్కించిన ఆర్ఆర్ఆర్ సినిమాతో పాన్‌ ఇండియా స్టార్‌గా మారిపోయాడు చిరంజీవి త‌న‌యుడు మెగా పవర్‌ స్టార్‌ రామ్ చరణ్. ఈ సినిమాలో చెర్రీపోషించిన సీతారామరాజు పాత్రకు మంచి పేరొచ్చింది. హాలీవుడ్ ప్రముఖులు సైతం రామ్‌చరణ్‌ నటనని ఆకాశానికి ఎత్తారు.
ఇటీవ‌ల హాలీవుడ్ దర్శక దిగ్గజం జేమ్స్ కామెరాన్ ఆర్ఆర్ఆర్ పై ప్రశంసలు కురిపించారు. ముఖ్యంగా పీరియాడికల్ మూవీలో రామ్ చరణ్ పోషించిన సీతారామరాజు పాత్ర తనకు ఎంతో నచ్చేసిందంటూ కితాబు ఇచ్చారు. ఆ పాత్రను అర్థం చేసుకోవడానికి కాస్త సమయం పడుతుందని, ఒక్కసారి అర్థమయ్యాక హృదయం బరువెక్కుతుందంటూ వ్యాఖ్యానించారు. అక్కడే దర్శకుడు విజయం సాధించాడని చెప్పుకొచ్చారు. అయితే చెర్రీ నటన హాలీవుడ్ లెజెండరీ డైరెక్టర్ కి న‌చ్చ‌డంతో మెగాస్టార్ చిరంజీవి స్పందించారు. వెంటనే సోషల్ మీడియా వేదికగా తన సంతోషాన్ని పంచుకున్నారు.
జేమ్స్ కామెరాన్ సర్… మీ అంతటి గ్లోబల్ ఐకాన్, సినిమా మేధావి ఆర్ఆర్ఆర్ లో రామ్ చరణ్ క్యారెక్టర్ ను పొగడడం ఆస్కార్ అవార్డు కంటే తక్కువేమీ కాదు. రామ్ చరణ్ కు ఇదొక గొప్ప గౌరవం. రామ్ చరణ్ ఈ స్థాయికి ఎదగడాన్ని ఓ తండ్రిగా గర్వంగా భావిస్తున్నా. మీ ప్రశంసలు రామ్ చరణ్ భవిష్యత్ ప్రాజెక్టులకు దీవెనలు’ అని తన ట్విట్ట‌ర్‌లో తెలియ‌జేశాడు. అయితే ఇందులో ఎన్టీఆర్ కూడా న‌టించాడ‌ని, ఆయ‌న పేరు ప్ర‌స్తావించ‌క‌పోవ‌డం ఏంట‌ని నందమూరి అభిమానులు ఆగ్ర‌హం వ్య‌క్తం చేస్తున్నారు. అలానే మగధీర సమయంలో చరణ్ వల్లే సినిమా హిట్ అయింది అంటూ మెగా క్యాంప్ ప్రచారం చేసుకుంది అని నందమూరి ఫ్యాన్స్ కామెంట్స్ పెడుతున్నారు. ఆచార్య డిజాస్టర్ అయితే మాత్రం ఆ నెపం దర్శకుడి మీదికి నెట్టేశారు అని వారు ఫైర్ అవుతున్నారు. మ‌రి ఈ వివాదం ఎంత ర‌చ్చ‌గా మారుతుందో చూడాలి.
