Chandra Mohan : క‌న్నీళ్లు పెట్టిస్తున్న చంద్ర‌మోహ‌న్ చివ‌రి మాట‌లు.. వింటే ఎమోష‌న‌ల్ కావాల్సిందే..!

Chandra Mohan : సీనియ‌ర్ న‌టుడు చంద్ర‌మోహ‌న్ గురించి ప్ర‌త్యేక ప‌రిచ‌యాలు అక్క‌ర్లేదు. ఆయ‌న హీరోగానే కాకుండా ప‌లు ప్ర‌ధాన పాత్ర‌ల‌లో న‌టించి మెప్పించాడు. అయిత గ‌త కొంతకాలంగా అనారోగ్య సమస్యలతో బాధపడుతున్న చంద్రమోహన్ నవంబర్ 11న ఆదివారం ఉదయం కన్నుమూశారు. ఆయన మరణంపై సినీ ప్రముఖులు, అభిమానులు దిగ్భ్రాంతి వ్య‌క్తం చేస్తూ ఆయ‌న‌తో ఉన్న అభిమానాన్ని పంచుకున్నారు. ప్రస్తుతం చంద్రమోహన్ చివరి మాటలు అభిమానులను కన్నీళ్లు పెట్టిస్తున్నాయి. చివరిసారిగా ఆయన కళాతపస్వి కె. విశ్వనాథ్ మరణించిన సమయంలో మీడియా ముందుకు వచ్చారు.అయితే ముందుగా విశ్వనాథ్ పార్థివదేహం చూసి తల్లిడిల్లిపోయారు.

విశ్వ‌నాథ్‌తో తనకున్న అనుబంధాన్ని గుర్తుచేసుకుంటూ భోరున ఏడ్చేశారు చంద్ర‌బాబు. ఇండస్ట్రీలో అందరికంటే తాను కళాతపస్వికి దగ్గరివాడినని.. తన పెద్దనాన్న కుమారుడే విశ్వనాథ్ అని చెబుతూ కన్నీళ్లు పెట్టుకున్నారు.“కె. విశ్వనాథ్.. స్వయానా నా పెద్దనాన్న కొడుకు. ఎస్పీ బాలసుబ్రహ్మణ్యం నా కజిన్. మా మధ్య సినిమా అనుబంధం కంటే కుటుంబ బాంధవ్యం ఎక్కువ. ఇండస్ట్రీలోని అందరికంటే నేను చాలా దగ్గరివాడిని.విశ్వనాథ్ అన్నయ్య, నేను మద్రాసులో ఒకే చోట స్థలం కొనుక్కోని.. అక్కడే ఇళ్లు కట్టుకుని పాతికేళ్లు పక్కపక్కనే ఉన్నాం. మా ఇద్దరి కాంబోలో ఎన్నో గర్వకారణమైన సినిమాలు వచ్చాయి. నన్ను అద్భుతమైన నటుడిగా చూపించారు.

మా మధ్య ఎన్నో మధుర జ్ఞాపకాలున్నాయి. ఆయన మరణం మా కుటుంబాలకు తీరని లోటు. ఎప్పటికైనా అందరూ చనిపోవాల్సిందే” అంటూ భావోద్వేగానికి గురయ్యారు చంద్రమోహన్.. ఆయ‌న మాట్లాడిన మాట‌లు ప్ర‌తి ఒక్క‌రికి క‌న్నీరు పెట్టిస్తున్నాయి. ఇక చంద్ర‌మోహ‌న్ విష‌యానికి వ‌స్తే.. 1945 మే 23న కృష్ణాజిల్లా పమిడిముక్కలలో జన్మించిన ఆయన మేడూరు, బాపట్లలో చదువు పూర్తి చేశారు. చంద్రమోహన్ భార్య పేరు జలంధర. వీరికి మధుర మీనాక్షి, మాధవి అనే ఇద్దరు కుమార్తెలు ఉన్నారు. మధుర మీనాక్షి సైకాలజిస్ట్ గా అమెరికాలో స్థిరపడగా.. మాధవి చెన్నైలో వైద్యవృత్తిలో సేవలందిస్తున్నారు. దాదాపు 55 ఏళ్ల సినీ ప్రయాణంలో 932 సినిమాల్లో నటించారు చంద్రమోహన్.