Chandra Babu : మాజీ ముఖ్యమంత్రి, టీడీపీ అధినేత చంద్రబాబు స్కిల్ డెవ‌లప్‌మెంట్ కేసులో అరెస్ట్ అయిన విష‌యం తెలిసిందే. గతంలో చంద్రబాబు సీఎంగా ఉన్న సమయంలో జర్మనీకి చెందిన సీమెన్స్ కంపెనీతో ఒప్పందంలో అవినీతి జరిగిందంటూ అభియోగాలు ఉన్నాయి. ఈ నేపథ్యంలోనే సీఐడీ పోలీసులు చంద్రబాబుకు నోటీసులు జారీ చేసి అరెస్ట్ చేశారు.అయితే చంద్రబాబు సర్కారు సీమెన్స్, డిజైన్‌టెక్ కంపెనీల‌తో ఒప్పందం కుదుర్చుకున్న విష‌యంలో అస‌లు కుతంత్రం బ‌య‌ట‌ప‌డింది. ఈ ఒప్పందం గురించి త‌మ‌కు ఏం తెలియ‌ద‌ని సిమ‌న్స్ కంపెనీ చెబుతుంది. గ్రాంట్ ఇన్ ఎయిడ్ కింద తాము 90 శాతం నిధుల‌ని స‌మ‌కూరుస్తామ‌ని చెప్ప‌లేద‌ని సీమ‌న్స్ స్ప‌ష్టం చేసింది.
మోస‌పూరితంగా త‌మ కంపెనీ పేరు వాడుకుంటూ దానిని 3300 కోట్ల ప్రాజెక్ట్‌గా చూపించార‌ని సిమ‌న్స్ చెబుతుంది. జ‌ర్మ‌నీలోని సీమెన్స్ కంపెనీ ప్ర‌ధాన కార్యాల‌యం ఏపీఎస్ఎస్‌డీసీకి పంపిన ఈమెయిల్‌తో వాస్త‌వాలు నిర్ధార‌ణ అయ్యాయి. అయితే సీమెన్స్, డిజైన్ టెక్ కంపెనీల‌తో కుదుర్చుకున్న ఒప్పందంలో అవినీతి జ‌ర‌గ‌లేద‌ని బుకాయించేందుకు పత్రికా ప్ర‌క‌ట‌న జారీ చేసిన టీడీపీ అడ్డంగా బుక్ అయింది. ప్ర‌భుత్వ వాటాగా ప‌ది శాతం నిదుల‌ని విడుద‌ల చేస్తామ‌న పేర్కొన్న టీడీపీ 90 శాతం కింద సీమెన్స్, డిజైన్ టెక్ కంపెనీలు నిధులు ఎందుకు స‌మ‌కూర్చ‌లేద‌నే విష‌యాన్ని దాట‌వేయ‌డం గ‌మ‌నర్హం.
చంద్రబాబు సర్కారు నిధులు కొల్ల‌గొట్టిన విష‌యాన్ని సీఐడీతో పాటు ఈడీ నిర్ధారించి కూడా ఆ విష‌యాన్ని క‌ప్పిపుచ్చేందుకు టీడీపీ చేసిన ప్ర‌య‌త్నాలు ఫ‌లించ‌లేదు. ఏపీఎస్ఎస్డీసీ ప్రాజెక్ట్ ఒప్పందం గురించి మాకు ఎలాంటి స‌మాచారం లేదు. అందుకే మేం బాధ్య‌త వహించ‌డం. ప్రాజెక్ట్ విష‌యంలో 90 శాతం నిధుల‌ని గ్రాంట్ ఇన్ ఎయిడ్‌గా స‌మ‌కూరుస్తామ‌ని మేం ఎక్క‌డ చెప్ప‌లేదు. మా కంపెనీ పేరుతో కుదుర్చుకున్న ఒప్పందం గురించి ఏమి తెలియ‌దు అని సీమెన్ స్ప‌ష్టం చేసింది. నిధులు కొల్ల‌గొడితే.. కేసులు పెడ‌తారా.. అరెస్ట్ చేస్తారా.. అలాగైతే అది వేధించ‌డ‌మే. అనే త‌ర‌హాలో వారు వితండ‌వాదం చేస్తుండ‌డం టీడీపీ డొల్ల‌త‌నంగా క‌నిపిస్తుంది.
