Chandra Babu : లైవ్ లో వీడియో వేసి జ‌గ‌న్ ప‌రువు తీసిన చంద్ర‌బాబు

Chandra Babu : మ‌రి కొద్ది రోజుల‌లో ఏపీలో ఎల‌క్ష‌న్స్ జ‌ర‌గ‌నుండ‌గా, ఇప్ప‌టి నుండే జోరుగా ప్ర‌చారాలు సాగుతున్నాయి. ఏ పార్టీ అధికారం చేజిక్కించుకుంటుందా అని ప్రతి ఒక్క‌రు చ‌ర్చ‌లు జ‌రుపుతున్నారు. ఇక చంద్ర‌బాబు-జ‌న‌సేన మాత్రం ఈ సారి అధికారం ద‌క్కించుకోవ‌డం ఖాయం అన్న‌ట్టుగా ముందుకు సాగుతున్నారు. అయితే ఇటీవ‌ల తెలుగుదేశం పార్టీ అధినేత చంద్రబాబు బహిరంగ సభలో ముఖ్యమంత్రి జగన్ కనిపించారు. రా కదలిరా పేరుతో రాష్ట్రమంతా పర్యటిస్తున్న చంద్రబాబు, నిన్న తునిలో ఏర్పాటు చేసిన బహిరంగ సభలో జగన్ మాట తప్పారని చెప్పేలా తన ప్రసంగం మధ్యలో ఓ వీడియో ప్లే చేశారు. ఆ వీడియో చూపిస్తూ జ‌గ‌న్ బండారం బ‌య‌ట‌పెట్టాడు.

జగన్ మాటలు విని మోసపోవద్దని ప్రజలను చంద్రబాబు హెచ్చరించారు. రాయలసీమకు గోదావరి నీళ్లు తరలించాలని తాను భావిస్తే జగన్ దానిని నాశనం చేశాడన్నారు. గోదావరి నీళ్లు తెచ్చి రాయలసీమను సస్య శ్యామలం చేస్తానని చెప్పుకొచ్చారు. జగన్ ఐదేళ్ల పాలనలో రాయలసీమకు ఒక్క ప్రాజెక్టు అయినా వచ్చిందా? అని చంద్రబాబు ప్రశ్నించారు. పైసా కూడా ప్రాజెక్టుల కోసం ఖర్చు చేయలేదన్న చంద్రబాబు అంగళ్లలో తనపై తప్పుడు కేసులు పెట్టి పైశాచికానందం పొందారన్నారు. ‘సైకో జగన్‌కు.. ఐదు కోట్ల మంది ప్రజలకు మధ్య పోరాటం జరుగుతుంది. ఐదేళ్లలో ప్రజల జీవిత ప్రమాణాల్లో మార్పు వచ్చిందా? కల్తీ మద్యంతో ఆడబిడ్డల తాళిబొట్లతో ఆడుకునే పరిస్థితి రాష్ట్రంలో ఉంది. సంక్షేమ కార్యక్రమాలకు నాంది పలికిన పార్టీగా టీడీపీకి పేరుంది. త్వరలోనే పేదలు, రైతుల సంక్షేమ రాజ్యం వస్తుంది. ఇంటింటికీ వెళ్లి ప్రజలను చైతన్యవంతం చేయాలి.

పేదరికం లేని సమాజం చూడాలనే ఎన్టీఆర్ కలను సాకారం చేస్తానని, పేదరికం నుంచి ప్రతి ఒక్కరూ బయటపడేలా చూస్తానని చంద్రబాబు హామీ ఇచ్చారు. రాజకీయాలకు అర్హత లేని వ్యక్తి జగన్ అని, నష్టపోయిన రాష్ట్రాన్ని కాపాడాల్సిన బాధ్యత తనపై ఉందన్నారు. ఎస్సీలు, ఎస్టీలు అంటే జగన్‌కు లెక్క లేదని ఆరోపించారు. వైసీపీ ప్రభుత్వం రూ.13 లక్షల కోట్లు అప్పు చేసిందని, ఆదాయంతో సమానంగా వడ్డీలు, అసలు కట్టే పరిస్థితి లేదన్నారు. తమ ప్రభుత్వం అధికారంలోకి వచ్చిన తర్వాత సంపద సృష్టించి ఆదాయం పెంచుతామని, పెంచిన ఆదాయంతో అభివృద్ది కార్యక్రమాలు చేపడతామన్నారు.