Chandra Babu : ప్యాకేజ్ మీ బాబులు ఇచ్చారా.. వైసీపీపై విరుచుకుప‌డ్డ చంద్ర‌బాబు..

Chandra Babu : ఆంధ్రప్రదేశ్ రాష్ట్రంలో తాజా రాజకీయ పరిణామాల నేపథ్యంలో చంద్రబాబు పవన్ కళ్యాణ్ పొత్తులపై గ‌త కొద‌ది రోజులుగా ఎంత ఆస‌క్తిక‌ర చ‌ర్చ న‌డుస్తుందో మ‌నం చూశాం. చంద్రబాబు పవన్ కళ్యాణ్ పొత్తు పెట్టుకోవ‌డం ఏపీ అధికార పార్టీకి ఏమాత్రం రుచించడం లేదు. చంద్రబాబుకి పవన్ కళ్యాణ్ అమ్ముడుపోయారని, బీజేపీతో పొత్తు పెట్టుకుని చంద్రబాబు చుట్టూ ఎందుకు తిరుగుతున్నారని, పవన్ ఒక ప్యాకేజీ స్టార్ అంటూ తీవ్ర స్థాయిలో పవన్ కళ్యాణ్ ని చంద్రబాబు ని టార్గెట్ చేస్తున్నారు.ఇటీవ‌ల చంద్ర‌బాబుని ప‌వ‌న్ భేటి అవ్వ‌గా తన రేటు పెంచుకోవడం కోసమే చంద్రబాబును కలిశాడని మంత్రి సీదిరి అప్పలరాజు ఆరోపణలు గుప్పించారు.

పవన్ డబ్బు కోసం దిగజారి పోయాడని, తనను నమ్ముకున్న వారిని నట్టేట ముంచుతున్నారని మంత్రి సీదిరి అప్పలరాజు ఆరోపించారు.ఇలాంటి విమ‌ర్శ‌లు చేస్తున్న నేప‌థ్యంలో చంద్ర‌బాబు వైసీపీ బ్యాచ్‌పై తీవ్ర ఆగ్ర‌హం వ్య‌క్తం చేశారు. విమ‌ర్శ‌ల‌ని స‌ద్విర్శ‌లు చేయడం నేర్చుకో, అంతేకాని సైకోలా ప్ర‌వ‌ర్తించ‌వ‌ద్దు. ప్ర‌భుత్వ ఉద్యోగాలు లేవు, ప్రైవేట్ ఉద్యోగాలు లేవు. అమ్మ ఒడి లేదు. ముగ్గురు ఉంటే ఒక్క‌రికి మాత్ర‌మే ఇస్తారు. అస‌లు ఏంటి వీరి ప్ర‌భుత్వం ఇలా చేయ‌డం అంటూ చంద్ర‌బాబు గ‌ట్టిగానే ఇచ్చిప‌డేసారు.

అయితే పవన్ కళ్యాణ్‌ని ఎవరైనా ఒక్కమాట అంటే వందల వేల లక్షల నోళ్లు సమాధానం ఇవ్వడానికి రెడీగా ఉంటాయి. నోటికొచ్చినట్టు మాట్లాడితే తాట తీస్తాం అంటూ పవన్ కళ్యాణ్ మాదిరిగానే కౌంటర్లు పేల్చుతుంటారు ఆయన అభిమానులు. ఈ క్ర‌మంలో చంద్ర‌బాబు.. ప‌వ‌న్‌పై విమ‌ర్శించే వారికి కూడా గ‌ట్టిగానే కౌంట‌ర్ ఇచ్చాడు. ప్యాకేజ్ ప్యాకేజ్ అని ఊరికే అంటారు. ఎవ‌రు ఇచ్చారు మీ బాబు ఇచ్చాడా అని జ‌గ‌న్‌పై కూడా తీవ్ర ఆగ్ర‌హం వ్య‌క్తం చేసిన‌ట్టు టాక్. కాగా, జనసేన అధ్యక్షుడు పవన్ కళ్యాణ్ పొత్తులపై చేసిన సంచలన వ్యాఖ్యలతో ఆంధ్రప్రదేశ్ రాష్ట్రంలో దుమారం రేగిన విషయం తెలిసిందే. ఇప్పటికే వైసీపీ మంత్రులు, నేతలు పవన్ కళ్యాణ్ ని టార్గెట్ చేసి తీవ్ర వ్యాఖ్యలు చేస్తూ ఉండ‌గా, ప్రజాశాంతి పార్టీ అధ్యక్షుడు కె ఏ పాల్ కూడా పవన్ కళ్యాణ్ పై తీవ్రస్థాయిలో విరుచుకుపడ్డారు.