Bro Movie Collections : కొంద‌రికి క‌టౌట్ ఉన్నా కంటెంట్ లేక‌పోతే సినిమాలు బోల్తా ప‌డ్డ‌ట్టే. కాని ప‌వ‌ర్ స్టార్ ప‌వ‌న్ క‌ళ్యాణ్‌కి అలా కాదు. కంటెంట్ అటు ఇటు ఉన్నా కూడా ప‌వ‌న్ క‌టౌట్‌కి పిచ్చ క‌లెక్ష‌న్స్ వ‌స్తుంటాయి. ప‌వ‌న్ తాజాగా బ్రో అనే సినిమ‌తో ప్రేక్ష‌కుల‌ని ప‌ల‌క‌రించాడు. ఈ సినిమా చుట్టూ రాజ‌కీయం, అనేక విమ‌ర్శ‌లు, వివాదాలు చుట్టు ముట్టాయి అయిన కూడా ఈ సినిమా వంద కోట్ల క్ల‌బ్‌లో చేరి అంద‌రిని ఆశ్చర్య‌ప‌ర‌చింది.సోమ‌వారం నాటి క‌లెక్ష‌న్స్‌తో వ‌ర‌ల్డ్ వైడ్‌గా 102 కోట్ల వ‌సూళ్ల‌ను రాబ‌ట్టింది. అయితే రోజు రోజుకు బ్రో మూవీ వ‌సూళ్లు మాత్రం భారీగా త‌గ్గుముఖం ప‌డుతోన్నాయి. రిలీజ్ రోజు వ‌ర‌ల్డ్ వైడ్‌గా 30 కోట్ల‌కుపైగా షేర్‌ను రాబ‌ట్టిన ఈ మూవీ సోమ‌వారం రోజు కేవ‌లం రెండు కోట్ల యాభై ల‌క్ష‌ల క‌లెక్ష‌న్స్ మాత్రం సొంతం చేసుకున్న‌ది.
‘బ్రో చిత్రానికి ఆంధ్రా, తెలంగాణలో 5వ రోజూ డౌన్ అయిపోయింది. ఫలితంగా నైజాంలో రూ. 72 లక్షలు, సీడెడ్‌లో రూ. 25 లక్షలు, ఉత్తరాంధ్రలో రూ. 24 లక్షలు, ఈస్ట్ గోదావరిలో రూ. 11 లక్షలు, వెస్ట్ గోదావరిలో రూ. 8 లక్షలు, గుంటూరులో రూ. 9 లక్షలు, కృష్ణాలో రూ. 12 లక్షలు, నెల్లూరులో రూ. 7 లక్షలతో కలిపి.. రూ. 1.68 కోట్లు షేర్, రూ. 3.00 కోట్లు గ్రాస్ వచ్చింది. డివోషనల్ సబ్జెక్టుతో వచ్చిన ‘బ్రో మూవీకి అంచనాలకు అనుగుణంగానే ప్రపంచ వ్యాప్తంగా రూ. 97.50 కోట్లు మేర బిజినెస్ జరిగినట్లు ట్రేడ్ వర్గాలు వెల్లడించాయి. దీంతో బ్రేక్ ఈవెన్ టార్గెట్ రూ. 98.50 కోట్లుగా ఫిక్స్ చేయ‌గా, . ఇక, 5 రోజుల్లో దీనికి రూ. 60.42 కోట్లు వచ్చాయి. అంటే మరో రూ. 38.08 కోట్లు రాబడితేనే ఈ మూవీ క్లీన్ హిట్ స్టేటస్‌ను చేరుకుంటుంది.
వ‌ర‌ల్డ్ వైడ్‌గా ఐదు రోజుల్లో 102 కోట్ల గ్రాస్, 60 కోట్ల వ‌ర‌కు షేర్ వ‌సూళ్లు బ్రో సినిమాకు వచ్చాయి. ఈ సినిమా బ్రేక్ ఈవెన్ అయ్యి నిర్మాత‌లు, ఎగ్జిబిట‌ర్లు లాభాల బాట ప‌ట్టాలంటే ఇంకో 38 కోట్ల వ‌ర‌కు క‌లెక్ష‌న్స్ రావాల‌ని ట్రేడ్ వర్గాలు చెబుతోన్నాయి. ప‌వ‌న్ కళ్యాణ్ గ‌త సినిమాలు వ‌కీల్‌సాబ్‌, భీమ్లానాయ‌క్ కూడా వంద కోట్ల వ‌సూళ్ల‌ను సాధించాయి. వ‌రుస‌గా మూడు సినిమాల‌తో ఈ ఘ‌న‌త‌ను సాధించిన టాలీవుడ్ హీరోల్లో ఒక‌రిగా బ్రో మూవీతో ప‌వ‌న్ కళ్యాణ్ రికార్డ్ క్రియేట్ చేశాడు.
