తెలంగాణ కార్మిక శాఖ మంత్రి మల్లారెడ్డి గురించి ప్రత్యేకంగా చెప్ప‌న‌క్క‌ర్లేదు. ఆయన ఎక్కడ ఉంటే అక్క‌డ సంద‌డి ఓ రేంజ్‌లో ఉంటుంది. మల్లారెడ్డి ఎంత సరదాగా మాట్లాడతారో ప్రత్యేకంగా చెప్పక్కర్లేదు. ఈ మధ్య ఆయన ఎక్కడ ఏది మాట్లాడినా అది వైరల్ అయిపోతోంది. కొద్ది నెలల క్రితం ఆయన మాట్లాడిన ‘కష్టపడ్డా.. పాలమ్మినా.. పూలమ్మినా.. బోర్ వెల్స్ నడిపించినా.. చిట్ ఫండ్స్ వేసినా.. కాలేజీలు పెట్టినా’ అని చేసిన వ్యాఖ్యలు విపరీతంగా జనాల్లోకి వెళ్లింది. కొంద‌రైతే ఈ మాటలని యూట్యూబ్ షార్ట్స్, రీల్స్ చేశారు. దీంతో ఎక్కడ చూసినా మల్లారెడ్డి మాటలే హల్ చల్ చేశాయి. ఆ తర్వాత ఆ వ్యాఖ్యలను వివిధ సందర్భాల్లో పదే పదే మల్లారెడ్డి ప్రస్తావిస్తూ వచ్చారు. దాంతో ఆయనకు మరింత పాపులారిటీ పెరిగిపోయింది.
ఇటీవ‌ల కేటీఆర్ కూడా త‌న నోటి నుండి మ‌ల్లా రెడ్డి డైలాగులు పేల్చారు. మల్లన్నతో పెట్టుకుంటే గిట్లే ఉంటది. మా మల్లన్న ఏం చెప్పిండు.. పాలు పిండినా అన్నావా లేదా , కూరగాయాలు అమ్మినా.. ఇంకేం అమ్మినవ్.. పూలు కూడా అమ్మినవ్. ఇంకా గమ్మత్తు చెబుతాను ఆగు.. శంకుస్థాపన దగ్గర జనాలంతా మీద పడుతుంటే మల్లన్న అందర్నీ నూకుతున్నారు. అరే ఎందుకే పెద్ద మనిషివి నీకివన్నీ అని అంటే.. చిన్నప్పుడు బర్రెలను కూడా కంట్రోల్ చేశాను సార్.. గిదేంది..!. .. అంటే కష్టపడి జీవితంలో పైకి వచ్చిన మల్లారెడ్డిగారు అన్ని రకాలుగా మీకు అండగా ఉంటున్నారు. అని కేటీఆర్ చెప్పుకొచ్చారు.
అయితే మల్లారెడ్డి మాటలని ఇప్పుడు కొంద‌రు పాట‌లుగా కూడా మార్చి తెగ డ్యాన్స్‌లు చేస్తున్నారు. తాజాగా ఓ బుడ‌త‌డు మల్లారెడ్డి ఫేమ‌స్ డైలాగ్స్ చెప్పి ఆ తర్వాత తీన్మార్ డ్యాన్స్ చేశాడు. మల్లారెడ్డి డ్యాన్స్ చేసిన వీడియో ఇప్పుడు నెట్టింట సోష‌ల్ మీడియాని షేక్ చేస్తుంది. చూస్తుంటే రానున్న రోజుల‌లో సినిమాల‌లో కూడా మల్లారెడ్డి డైలాగ్స్ పెడ‌తారా ఏంట‌ని కొంద‌రు ఆశ్చ‌ర్యం వ్య‌క్తం చేస్తున్నారు.
