Rajnikanth : ఇటీవ‌ల వచ్చిన ఏపీ ఎన్నిక‌ల ఫ‌లితాల‌లో కూట‌మి విజ‌య ఢంకా మోగించ‌డం మనం చూశాం. వైసీపీని చిత్తు చేసి కూట‌మి అఖండ విజ‌యం సాధించింది. అయితే ఈ విజ‌యంతో ప‌వ‌న్ అభిమానులు, చంద్రబాబు అభిమానులు, అలాగే రజినీకాంత్ అభిమానులు సంతోషంలో మునిగి తేలుతున్నారు. ఇక ఇదే సమయంలో ఏపీలో పలువురు మంత్రులు, మాజీ మంత్రులు ఓటమి పాలు కావడంతో వారు గతంలో చేసిన వ్యాఖ్యలను గుర్తు చేసి మరీ ట్రోల్ చేస్తున్నారు. ముఖ్యంగా ఆ కోవలో రోజా, కొడాలి నాని నిలిచారు. తమిళ్ సూపర్ స్టార్ రజినీకాంత్ ఎన్టీఆర్ శతజయంతి ఉత్సవాలకు అప్పట్లో ఒకసారి విజయవాడకి వచ్చారు. రజినీకాంత్, తెలుగు దేశం పార్టీ అధినేత చంద్రబాబు నాయుడు మంచి స్నేహితులు. ఎన్నో సంవత్సరాలనుంచి వారిద్దరి స్నేహం కొనసాగుతోంది.
రజినీకాంత్ ఎప్పుడూ చంద్రబాబు పరిపాలనని ప్రశంసిస్తూ వుంటారు. అలాగే అప్పట్లో విజయవాడ వచ్చిన రజినీకాంత్ ఎన్టీఆర్ గురించి మాట్లాడారు, అలాగే ఆ తరువాత చంద్రబాబు గురించి ఎంతో గొప్పగా మాట్లాడేరు కూడా. రజినీకాంత్ ఒక అగ్ర నటుడు, తనకన్నా సీనియర్ నటుడు, సహచర నటుడు అని చూడకుండా నటి, అప్పట్లో ఎంఎల్ఏ అయిన రోజా తనిష్టానుసారం నోరు పారేసుకుంది. రజినీకాంత్ కి ఆంధ్ర పాలిటిక్స్ ఏమి తెలుసు అని, రజినీకాంత్ పై ఇష్టానుసారం విమర్శలు చేశారు రోజా. ఆమెతో పాటు అప్పట్లో బూతు పురాణాలు ఎక్కువగా మాట్లాడుతూ వున్న కొడాలి నాని కూడా రజినీకాంత్ పై చాలా విమర్శలు చెయ్యడమే కాకుండా, కనీస గౌరవం ఇవ్వకుండా కూడా మాట్లాడారు.
ఆమెతో పాటు విమర్శలకు దిగారు వైసీపీ ఎమ్మల్యే కొడాలి నాని. తరువాత ఒక సినిమా ఫంక్షన్ లో రజినీకాంత్ ఇలాంటివాళ్లనే ఉద్దేశించి మాట్లాడుతూ, ‘మొరగని కుక్క ఉండదు, విమర్శించని నోరు ఉండదు, ఈ రెండూ లేని ఊరు ఉండదు, అయినా మన పని మనం చేసుకుంటూ పోతూ ఉండాలి. అర్థమైందా రాజా’, అని చెప్పారు. రజినీకాంత్ అన్న మాటలు అప్పుడు వైరల్ అయ్యాయి, మళ్ళీ ఇప్పుడు నెటిజన్స్ అదే వీడియోని పెట్టి వైరల్ చేస్తున్నారు. ఆ వీడియోలో రోజా, కొడాలి నాని అప్పట్లో చెప్పిన మాటలు, తరువాత రజినీకాంత్ చెప్పిన మాటలు కూడా ఎడిట్ చేసి వీడియోలు పెడుతూ వైరల్ చేస్తున్నారు. కాగా, రోజా, కొడాలి నాని ఇద్ద‌రు ఇటీవ‌ల జ‌రిగిన ఎన్నిక‌ల‌లో ఘోరంగా ఓటమి పాలైన విష‌యం తెలిసిందే.
