Ayyanna Patrudu : ఏపీలో ప్ర‌స్తుతం రాజ‌కీయం చాలా వాడి వేడిగా ఉంది. ఒక‌రిపై ఒక‌రు తీవ్ర విమ‌ర్శ‌లు చేసుకుంటూ వార్త‌ల‌లో నిలుస్తున్నారు. వైసీపీ నాయ‌కుల‌పై ఛాన్స్ దొరికిన‌ప్పుడ‌ల్లా కూడా టీడీపీ నాయ‌కులు విమ‌ర్శ‌లు గుప్పిస్తూనే ఉంటారు.తాజాగా టీడీపీ సీనియర్ నేత, మాజీ మంత్రి చింతకాయల అయ్యన్న పాత్రుడు ప‌లు తీవ్ర విమ‌ర్శ‌లు చేశారు. మీడియాతో మాట్లాడుతూ.. ‘‘మంత్రి కొట్టు సత్యనారాయణ నీ సంగతంతా నాకు తెలుసు.. మా ఖర్మ కాలి నువ్వు మంత్రివి అయ్యావు.. మంత్రి ఫోన్ చేస్తేనే పనవుతుందని అందరూ చెబుతున్నారు అని అన్నారు.
ప్రజలతో మద్యం తాగించి, ఆ డబ్బులన్నీ సీఎం జగన్ దోచుకుంటున్నారని, పెన్షన్లను దపదఫాలుగా పెంచుతూ, ప్రజలు ఒక్కొక్కరికి రూ. 26వేల నష్టం చేకూర్చారని అయ్యన్న పాత్రుడు సంచ‌ల‌న ఆరోపించారు. అసమర్ధులందరూ మంత్రులయితే రాష్ట్రం ఎలా బాగు పడుతుందని ఆయన నిలదీశారు. రంగుల రాణి మంత్రి రోజాను ఏదైనా ప్రాజెక్టు అడిగితే.. ‘నా సొగసు చూడు మాయా అంటుంది’ అని అన్నారు. అల్లూరి శత జయంతి ఉత్సవాలు ఈ జిల్లాలో బాగా జరిగితే, విశాఖలో మాత్రం ప్రభుత్వం చేయలేదని విమర్శించారు.
ఈ మంత్రులకు పాలన సాధ్యం కాదని.. కేసులు పెట్టడం మాత్రమే తెలుసంటూ అయ్యన్న పాత్రుడు విమర్శించారు. తనపై లైంగిక దాడి కేసు పెట్టారని, ఈ వయస్సులో తాను లైంగిక దాడి చేయగలనా? అని ఫ‌న్నీగా కామెంట్ చేశారు అయ్యన్న పాత్రుడు. ఇక లైంగికంగా కొంద‌రు వైసీపీ నాయ‌కులు మ‌హిళ‌ల‌ని వేధించార‌ని వార్త‌లు రాగా, వారిపై కూడా పంచ్‌లు వేశారు. ఇక ‘అమ్మా భారతి.. సాక్షి పేపరు ద్వారా బీసీలను విడగొట్టడానికి ప్రయత్నం చేయకు’ అని సూచించారు. బీసీలను టీడీపీకి దూరం చేయడానికి జగన్ పత్రిక ద్వారా ప్రయత్నాలు చేస్తున్నారని మండిపడ్డారు.
