Bigg Boss 6 : బుల్లితెర ప్రేక్ష‌కుల‌కి ప‌రిచ‌యం అక్క‌ర్లేని షో బిగ్ బాస్. విదేశాల‌లో ప్రారంభ‌మైన ఈ షో మొద‌ట హిందీలో అడుగుపెట్టి ఆ త‌ర్వాత అన్ని సౌత్ భాషల‌కు పాకింది. తెలుగులో ఈ షో నాన్ స్టాప్‌గా దూసుకుపోతుంది. ఎన్టీఆర్ హోస్ట్ గా 2017లో మొదలైన బిగ్ బాస్ షో అనేక రికార్డ్స్ నమోదు చేసింది. దీంతో మిగ‌తా సీజ‌న్స్ కొన‌సాగించారు. రెండో సీజ‌న్‌కి నాని హోస్ట్‌గా వ్య‌వ‌హ‌రించ‌గా, త‌ర్వాతి సీజ‌న్స్‌కి నాగార్జున సారథ్యం వ‌హించారు. అయితే అన్ని సీజ‌న్స్‌లోనూ బిగ్ బాస్ తెలుగు 4 లాంచింగ్ ఎపిసోడ్ 18.8 టీఆర్పీ రాబట్టింది. అయితే ఈ సీజన్ మాత్రం దారుణంగా నిరాశ ప‌ర‌చింది. 8.8 మాత్ర‌మే లాంచింగ్ ఎపిసోడ్‌కి రావడంతో నిర్వాహ‌కులు ఖంగు తిన్నారు.
లాంచింగ్ ఎపిసోడే కాదు వీకెండ్ ఎపిసోడ్స్ కూడా మంచి టీఆర్పీలు రాబ‌ట్ట‌డం లేక‌పోతుందని స‌మాచారం. బిగ్ బాస్ షోతో పోల్చితే సీరియల్స్ మంచి టీఆర్పీ అందుకుంటున్నాయి. సీరియల్స్ 10 టీఆర్పీ వరకు రాబడుతుంటే బిగ్ బాస్ 6 వీకెండ్ ఎపిసోడ్స్ కూడా 4 టీఆర్పీ దాటలేకపోవడం ఇప్పుడు అయోమ‌యంలో ప‌డేలా చేసింది. బిగ్ బాస్ 6 మొదలై మూడు వారాలు గడుస్తున్నా రేటింగ్ పెద్ద‌గా కనిపించడం లేదు. ఇదే ట్రెండ్ కొనసాగితే నెక్స్ట్ సీజన్ కష్టమే అంటున్నారు. బిగ్ బాస్ సీజన్ 7 ఉండకపోవచ్చని ఊహాగానాలు మొదలయ్యాయి.
మంచి కంటెస్టెంట్స్‌తోపాటు కొత్త హోస్ట్ దొరికితే సీజన్ 7 ప్రారంభిస్తారు. లేదంటే దుకాణం స‌ర్ధేసిన‌ట్టేన‌ని కొంద‌రు చెబుతున్నారు. మరి ఇందులో ఎంత నిజం ఉంద‌నేది తెలియాల్సి ఉంది. ఇక ఈ సారి 21 మంది స‌భ్యులు హౌజ్‌లోకి అడుగుపెట్టగా ముగ్గురు ఎలిమినేట్ అయ్యారు. షానీ, అభిన‌య‌శ్రీ, నేహ హౌజ్ నుండి బ‌య‌ట‌కు వ‌చ్చారు. ఇక నామినేషన్స్ ప్ర‌క్రియ ఉండ‌నుండ‌గా ఈ వారం ఎవ‌రు నామినేట్ అవుతారో చూడాలి.
