Beer Load : బీర్ లోడ్‌తో వెళుతున్న‌ వ్యాన్ బోల్తా.. బాటిల్స్ కోసం ఎగ‌బ‌డ్డ జనం..

Beer Load : అస‌లే స‌మ్మ‌ర్.. అందులో ఎండ‌లు భీబ‌త్సంగా మండిపోతున్నాయి. ఇలాంటి స‌మ‌యంలో చ‌ల్ల‌ని పానీయం తాగాల‌ని ఎవ‌రైన త‌హ‌త‌హ‌లాడుతుంటారు. మ‌ద్యం ప్రియిలైతే రేటు ఎక్కువ పెట్టి కూడా బీర్ బాటిల్స్ ద‌క్కించుకుంటున్నారు. అయితే ఫ్రీగా దొరికితే ఎవ‌రు మాత్రం వ‌దులుతారు. బీరు బాటిళ్లతో వెళుతున్న వ్యాన్ బొల్తా పడటంతో ఒక్క సారిగా జనాలు ఎగబడ్డారు. దొరికిందే ఛాన్స్ అన్నట్లు చేతికి అందినన్ని బాటిళ్లను ఏ మాత్రం ఆలోచింక‌చ‌కుండా ఎత్తుకెళ్లారు. అటుగా వెళుతున్న వాళ్లు, బస్సులో ప్రయాణీకులు కూడా చంకలో రెండు, ఒక చేతిలో రెండు, మరో చేతిలో రెండు ఇలా బాటిళ్లు పట్టుకుని వెళ్లిపోయారు. ప్రమాదంలో కొన్ని బాటిళ్లు పగిలిపోగా, మరి కొన్ని అట్టపెట్టెల్లో ఆలాగే పడిపోయాయి.

పగిలిన బాటిళ్లు తప్ప అట్టపెట్టెల్లోని బీరు బాటిళ్లు మొత్తం జనాలు తీసుకువెళ్లిపోయారు. దొరికినోడికి దొరికినంత అన్న‌ట్టు అటుగా వెళుతున్న వారంద‌రు కూడా బీర్ బాటిల్స్ తీసుకొని పోయారు. అయితే ఈ ప్ర‌మాదం అనకాపల్లి లోని కసికోట రోడ్డులో బయ్యవరం జాతీయ రహదారిపై జ‌రిగింది. బీర్ల లోడు వ్యాన్ అనకాపల్లి డిపో నుండి నర్సీపట్నం డిపోకు వెళుతుండగా బొల్తా కొట్టింది. దీంతో బీర్లు నేలపాలు అయ్యాయి. ఈ ఘటనతో జాతీయ రహదారిపై వాహనాలు నిలిచిపోయాయి. సమాచారం అందుకున్న వెంటనే పోలీసులు అక్కడకు చేరుకున్నారు.

పోలీసుల ఎంట్ర‌తో ప‌రిస్థితి కాస్త అదుపులోకి వ‌చ్చింది. కాగా ఈ ప్రమాదంలో ఎలాంటి ప్రాణనష్టం జరగకపోవడంతో అందరూ ఊపిరిపీల్చుకున్నారు. బీర్ బాటిల్స్ తీసుకెళుతున్న‌ సమయంలో కొందరు యువకులు తమ సెల్ ఫోన్ లో జనాలు బీరు బాటిళ్లు ఎత్తుకెళ్లుతున్న దృశ్యాలను చిత్రీకరించి సోషల్ మీడియాలో పోస్టు చేశారు. అందుకు సంబంధించిన వీడియోలు, ఫొటోలు నెట్టింట వైర‌ల్‌గా మారాయి. అలాంటిది ఏదో మ‌న‌ద‌గ్గ‌ర జ‌రిగిన బాగుండేది క‌దా అని కొంద‌రు మ‌న‌సులో అనుకుంటున్నారు.