Balakrishna : నంద‌మూరి బాలకృష్ణ కుర్ర హీరోల‌తో పోటీ ప‌డుతూ సినిమాలు చేస్తున్నాడు. అఖండ, వీర‌సింహారెడ్డి చిత్రాల‌తో మంచి విజ‌యాల‌ని త‌న ఖాతాలో వేసుకున్న బాలకృష్ణ ప్రస్తుతం త‌న 108వ సినిమాని అనీల్ రావిపూడి ద‌ర్శ‌క‌త్వంలో చేస్తున్నాడు. ఒక‌వైపు వెండితెరపై సత్తా చాటుతూనే బుల్లితెరపై కూడా సత్తా చాటుతూ అన్‌స్టాపబుల్‌గా బాలయ్య బాబు జర్నీ సాగుతోంది. దీంతో బాలయ్య బాబు రేంజ్ రెట్టింపయింది. ఆయనతో సినిమాలు చేసేందుకు నేటితరం డైరెక్టర్లు పోటీ పడుతున్నారు. అనీల్ రావిపూడి ద‌ర్శ‌క‌త్వంలో తెర‌కెక్క‌నున్న సినిమాపై బాలయ్య అభిమానులు భారీ అంచ‌నాలు పెట్టుకున్నారు.
ఈ సినిమాలో టాక్సీవాలా ఫేమ్ ప్రియాంకా జవాల్కర్ హీరోయిన్ గా నటించనుంది. పెళ్లి సందడి ఫేమ్ శ్రీ లీల ముఖ్య పాత్రలో కనిపించనుంది. బాలయ్య కూతురి పాత్రలో ఆమె నటించనుందని సమాచారం. బాలకృష్ణ కెరీర్ లోనే ఓ డిఫరెంట్ క్యారెక్టర్ తో ఈ సినిమాలో అలరించబోతున్నారట. ఇక ఈ సినిమాకి బాలయ్య భారీ రెమ్యున‌రేష‌న్ అందుకోబోతున్న‌ట్టు తెలుస్తుంది. ప్రస్తుతం యంగ్ హీరోలు తీసుకుంటోన్న రెమ్యూనరేషన్‌తో పోలిస్తే బాలయ్య పారితోషికం తక్కువే అయినా ఆయన ఎప్పుడూ దీని గురించి ఆలోచించలేదని అంటుంటారు. చాలా కాలంగా బాలయ్య రూ.15 కోట్ల మేర రెమ్యూనరేషన్ తీసుకుంటున్నారని టాక్.
ప్రస్తుతం బాలయ్య సినిమాలు రూ.70 కోట్ల వరకు థియేట్రికల్ బిజినెస్ చేస్తుండటం.. అలాగే శాటిలైట్, డిజిటల్ హక్కులకు మంచి డిమాండ్ ఉండటంతో బాలయ్య పారితోషికం పెంచారని టాక్. మొన్నటివరకూ సినిమాకు 15 కోట్లు వరకూ తీసుకున్న బాలకృష్ణ అనిల్ రావిపూడి సినిమా నుంచి 20 కోట్లు తీసుకోబోతున్నట్టు తెలుస్తోంది. ఇక అనిల్ రావిపూడి తరువాత ఓ యంగ్ డైరెక్టర్ తో బాలయ్య సినిమా చేసేందుకు రెడీ అవుతున్నారట. పూరీ జగన్నాథ్ , బాలయ్య కాంబో మూవీ ఎప్పుడో ఫిక్స్ అయ్యింది. కాని దానికి ముహూర్తం కుదరడంలేదు. అది కూడా త్వ‌ర‌లోనే ప‌ట్టాలెక్కే ఛాన్స్ ఉంది.
