Anu Emmanuel : అల్లు వార‌బ్బాయి అల్లు శిరీష్‌కి సంబంధించి సోషల్ మీడియాలో ఎన్నో ర‌కాల వార్తలు వ‌స్తుండ‌డం మ‌నం చూస్తూనే ఉన్నాం. ఆయ‌న‌కు అల్లు ఫ్యామిలీతో గొడ‌వ‌లు ప‌డ్డాడ‌ని, విదేశాల‌లో ఉంటున్నాడ‌ని, అను ఇమ్యాన్యుయేల్‌తో ప్రేమాయ‌ణం న‌డుపుతున్నాడ‌ని ఇలా ప్ర‌చారాలు జ‌రిగాయి. అయితే తాజాగా అను ఇమ్యాన్యుయేల్‌తో త‌న ప్రేమాయ‌ణంకి సంబంధించి పూర్తి క్లారిటీ ఇచ్చాడు. ఇలాంటి వివాదాలు చాలా సాధారణం. కో స్టార్ తో ప్రేమలో ఉన్నానని వార్తలు రావడం సహజం. గతంలో కూడా నా గురించి ఇలాంటి వార్తలు వచ్చాయి.
నిజానికి మా ఇద్దరి మధ్య అలాంటిదేమీ లేదు. మేము మంచి స్నేహితులం మాత్రమే. కొన్ని నెలలు కలిసి పని చేసాం కాబట్టి మా మధ్య కొంత అనుబంధం ఉంది. మా ఇద్దరి వ్యక్తిత్వాలు ఒకేలా ఉంటాయి. తను చాలా ప్రొఫెషనల్ గా ఉంటుంది. రొమాంటిక్ సీన్స్ చేసేటప్పుడు అందుకే ఇబ్బంది పడలేదు. ఇలాంటి తప్పుడు పుకార్లకి దూరంగా ఉండాలని సోషల్ మీడియా కి కూడా దూరమయ్యాను అంటూ స్పష్టం చేశారు అల్లు శిరీష్.ఇక ఏబిసిడి: అమెరికన్ రిటర్న్ కన్ఫ్యూజ్డ్ దేసి” అనే సినిమాతో డిజాస్టర్ అందుకున్న అల్లు శిరీష్ కొన్ని నెలలపాటు ఇండస్ట్రీకి దూరంగా ఉండ‌గా, ఇప్పుడు “ఊర్వశివో-రాక్షసివో” అనే సినిమాతో ప‌ల‌క‌రించ‌బోతున్నాడు.
జీఏ2 పిక్చర్స్, శ్రీ తిరుమల ప్రొడక్షన్ ప్రైవేట్ లిమిటెడ్ బ్యానర్స్ పై ఈ ఉర్వశివో రాక్షసివో సినిమా రూపొందుతోంది. రాకేష్ శశి దర్శకత్వంలో రూపొందుతున్న ఈ చిత్రంలో అల్లు శిరీష్, అను ఇమ్మాన్యుయేల్ జంటగా నటించారు. రీసెంట్ గా ఈ చిత్ర టీజర్ విడుదల చేయగా ప్రేక్షకుల నుంచి మంచి రెస్పాన్స్ అందుకుంది. ప్యార్ ప్రేమ కాదల్ అనే తమిళ చిత్రానికి రీమేక్ గా ఈ మూవీ ప్రేక్షకుల ముందుకు రాబోతోంది. పని విషయంలో అను చాలా ప్రొఫెషనల్ గా ఉంటుందని, రొమాంటిక్ సన్నివేశాల్లో ఇద్దరి కెమిస్ట్రీ బాగా వర్కవుట్ ఐందనై అన్నారు శిరీష్. ఈ సినిమాను నవంబర్ 4న విడుదల చేయనున్నారు.
