Anchor Shyamala : యాంక‌ర్ శ్యామల గురించి ప్ర‌త్యేక ప‌రిచ‌యాలు అక్క‌ర్లేదు. అంత అందాలు ఆర‌బోయ‌క‌పోయిన కూడా మాటల గారడితో ఇట్టే ఆకట్టుకుంటుంది. అటు సినిమాల్లోనూ అడపా దడపా నటిస్తూ బుల్లితెరపై కూడా సంద‌డి చేస్తుంది. ఏపీలోని తూర్పు గోదావరి జిల్లాకు చెందిన శ్యామల కెరీర్ తొలినాళ్లలో సీరియల్స్‌లో యాక్ట్ చేసింది. ఆపై సినిమాల్లో ట్రై చేసినా.. పెద్దగా క్లిక్ అవ్వలేదు. ఈ సమయంలో బుల్లితెరపై యాంకర్‌గా మారి మంచి పేరు ప్ర‌ఖ్యాత‌లు సంపాదించింది . సినిమాల ప్రమోషన్ కోసం సుమ కాకుండా నెక్ట్స్ ఆప్షన్ ఎవరంటే… శ్యామల పేరే చెబుతున్నారు . అయితే శ్యామలకు పెళ్లైందా…? పిల్లలున్నారా అనేది కొంద‌రికి డౌట్. అయితే అబ్బాయిల హార్ట్ బ్రేక్ అయ్యే విషయం ఏంటంటే.. ఆమెకు ఎప్పుడో పెళ్లైయ్యింది. ఒక బాబు కూడా ఉన్నాడు.
ప్రముఖ సీరియల్ యాక్టర్.. నరసింహారెడ్డి శ్యామల భర్త కాగా, ఈమె ప్రజంట్ తన ఫ్యామిలీకి సమయం కేటాయిస్తూనే… ప్రొఫెషనల్ లైఫ్ ను కూడా బ్యాలెన్స్ చేస్తూ ముందుకు సాగుతుంది. శ్యామల బిగ్ బాస్ హౌజ్‌లోను తెగ సంద‌డి చేసింది. అయితే క‌రోనా సమయంలో శ్యామల భర్త నరసింహారెడ్డి గురించి ఓ వార్త సంచలనంగా మారిన విషయం మనకు తెలిసిందే ఈయన ఒక మహిళ దగ్గర దాదాపు కోటి రూపాయలకు పైగా డబ్బు తీసుకొని అప్పు చెల్లించమని అడిగితే తనని బెదిరిస్తున్నారని ఓ మహిళ పోలీస్ స్టేషన్లో ఫిర్యాదు చేయ‌గా,ఈ విషయం అప్పుడు హ‌ట్ టాపిక్‌గా మారింది.
తాజాగా ఓ ఇంటర్వ్యూలో పాల్గొన్న శ్యామల ఆ విష‌యాల‌పై క్లారిటీ ఇచ్చింది. మా ఆయన పై కేసు పెట్టిన మహిళ మరెవరో కాదని తను నాకు బాగా తెలిసిన వ్యక్తి అని శ్యామల తెలిపారు.తను ప్రతిరోజు మా ఇంట్లోనే మేము చేసిన వంట తింటూ మాతో చాలా మంచిగా ఉండేది అయితే ఆమె నా భర్త పై ఇలా అనవసరంగా చీటింగ్ కేసు పెట్టారని అయితే త‌ర్వాత అది అబద్ధం అంటూ రుజువైందని శ్యామల చెప్పుకొచ్చింది. నేను చేసిన వంట తింటూ మాకే వెన్నుపోటు పొడిచింది అని చెప్పి శ్యామల బాధ‌ప‌డింది. నా భర్త తన పని తాను చేసుకుంటూ పోతారని చివరికి నా ప్రోగ్రామ్స్ విషయంలో కూడా ఆయన అస‌లు జోక్యం చేసుకోరని,తన భర్త ఎవరిని చీటింగ్ చేసే వ్యక్తి కాదు అంటూ శ్యామల స‌ర్టిఫికెట్ ఇచ్చింది.
